“Xalqın əsəbi ilə oynayan kiber ordunuzdur"-Xameneyinin fikirləri qəzəblə qarşılandı

SON XƏBƏRLƏR

“Xalqın əsəbi ilə oynayan kiber ordunuzdur"-Xameneyinin fikirləri qəzəblə qarşılandı

2023.06.28, 16:05

İran rəhbəri Əli Xameneyinin sosial şəbəkələr və "xalqın hüquqları" ilə bağlı söylədikləri narazılıqla qarşılanıb.

Gunaz.tv

Qeyd edək ki, Əli Xameneyi iyunun 27-də məhkəmə başçıları görüşündə deyib: “Virtual məkanda xalqın əsəbləri ilə oynayırlar. Bu isə xalqın hüququnun bərpasına ziddir və məhkəmə müdaxilə etməlidir".

İranın sabiq baş naziri Mirhüseyn Musəvinin müaşviri Ərdəşir Əmir Ərcmənd Əli Xameneyinın bu fikirlərinə təpki göstərib.

"Xalqın əsəbləri ilə oynayırlar” ifəsində məqsəd xalqı İranda pozulan öz hüquqlarını müdafiə etməyə çağırışlar nəzərdə tutulur.

Xameneyinin bu sözlərinə münasibət bildirən Musəvinin Fransada yaşayan baş məsləhətçisi Ərdəşir Əmir Ərcmənd deyib: “Xalqın əsəbləri ilə oynayan sizin Teleradio qurumunuz, medianız, kiber ordunuz və təhlükəsizlik qüvələrinizdir.

Bunlar xalqın sərvətindən istifadə edərək onların əsəbləri ilə oynayırlar, xalqın psixi sağlamlığını, ilkin hüquqlarını pozur və can güvənliyinə təhlükə törədir, sizin qalmağınız üçün xalqa dəhşəti, basqını və qorxunu hakim edirlər”.

Xatırladaq ki, Mirhüseyn Musəvi İranın sonuncu baş naziri olub. O, Ana Yasa dəyişikliyindən sonra bu vəzifəsini itirib.

Musəvi islahatçıların adayı olaraq 2009-cu ildə prezident seçkilərində iştirak edib və üstünlük qazanıb.

Lakin rejimin seçkilərin nəticələrində müdaxiləsindən sonra bu vəzifəyə keçə bilməyib.

Onun tərəfdarları etiraza qalxaraq “Yaşıl Hərəkat” başlayıb. Bu, molla rejiminə qarşı ilk ciddi hərəkat kimi yadda qalıb.

Musəvi və həyat yoldaşı Zəhra Rəhnəvərd 2010-cu ildən ev dustağıdır. “Time” qəzeti 2010-cu ildə Musəvini “dünyanın ən təsirlı şəxslərindən biri” adlandırıb.

Əmir Ərcmənd sözlərinin sonunda Musəvidən sitat gətirərək deyib: “Musəvi demişkən: hökumətimizin ən böyük baş verənləri təhrif etmək, yalnış dəyərləndirməkdir.

Hər hansı möhtəşəm adı ən alçaldıcı cinayətin üstünə qoyursuz".

“Bu dəfə isə xalqın hüquqlarının kobudcasına pozulmasını “xalqın hüquqlarının bərpası” adlandırırsız"-Ərcmənd əlavə edib.

Taymaz

GUNAZ.TV

SON XƏBƏRLƏR