Contact Us

SON XƏBƏRLƏR

İranda qadın qətllərinin sayı kəskin atrıb

2023.07.05, 14:15
İranda qadın qətllərinin sayı kəskin atrıb

İran KİV-də rəsmən nəşr edilmiş statistikaya əsasən ötən 2 ildə azı 165 qadın öldürülüb.

Gunaz.tv

2021-ci ilin iyunundan cari ilin iyununa qədər orta hesabla ölkə üzrə hər 4 gündən bir 1 qadın qətlə yetirilib. 

Qeyd edək ki, “Qadınöldürmə” “qadınların qətlə yetirilməsi” terminindən fərqli olaraq qadınlara daha dəhşətli yanaşma mənasını çatdırmaq üçün istifadə olunur. 

Bu ilin ilk 3 ayında 27 qadın “namus üstündə" ərləri, ataları tərəfindən, qalanları isə ailə üzvləri, o cümlədən ərləri, ataları, qardaşları və bəzi hallarda keçmiş ərləri, əmi, dayı, qayınata və uzaq qohumu olan kişilər tərəfindən öldürülüb.

Bu məlumat KİV-də yayılan informasiyadır və ölkədə qadın haqları fəallarının fikrincə, qadınöldürmə bundan daha çoxdur. Lakin bu barədə xəbərlərin kənara yayılmasına icazə verilmir.

Statistikaya əsasən 165 qadından 41-i Tehran əyalətində öldürülüb. Bu qətllərə səbəb kimi “ailə münaqişəsi” göstərilib. 

Qadın haqları üzrə fəal Fatima Babaxani “ailə münaişəsi” termininin “namus üstündə" qətlləri ört-basdır etmək məqsədi güddüyünü bildirib. 

“Bu çoxmənalı termin aldadıcıdır və qadınlara qarşı cinayətləri əsaslandırmaq və əhəmiyyətini azaltmaq üçün istifadə olunur.

Namus qətlləri, məhrəmlər tərəfindən təcavüz, pedofiillik və bu kimi cinayətlər və patologiyalar “ailə münaqişəsi” adlandırılanda ictimaiyyətin reaksiya zəifləyir"-Babaxani belə deyib.

Xatırladaq ki, namus üstündə qadın qətli müasir dünyada qəbul edilmir və qanunla yolverilməzdir.

Statistikaya görə, ötən 2 ildə öldürülmüş 165 qadınndan 108- yəni 65 faizi əri, 17 nəfəri qardaşı, 13 nəfəri atası, 9 nəfəri oğlu və 19 nəfəri və qalanı sair ailə üzvləri və qohumları tərəfindən öldürülüb.

Qeyd edək ki, İranda qadınların qətli arxasında əsasən molla hakimiyyətinin dini düşüncəsi və hətta dövlət qanunları, o cümlədən qadınlara ikinci dərəcəli məxluq kimi yanaşma və bunun təbliği dayanır. 

Taymaz

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar