Contact Us

SON XƏBƏRLƏR

Güneydə Urmu gölü ilə bağlı etirazlar davam edir: yazılı vərəqələr yayıldı

2023.07.28, 10:53
Güneydə Urmu gölü ilə bağlı etirazlar davam edir: yazılı vərəqələr yayıldı

Güney Azərbaycanın müxtəlif şəhərlərində Urmu gölünün quruması və hakimiyyətin ekoloji fəlakətə laqeyd münasibətinı etirazlar davam edir.

Gunaz.tv

Təbriz, Ərdəbil, Urmu, Sulduz və başqa şəhərlərdə ekologiya və milli-mədəni  sahədə çalışan fəallar yazılı vərəqələr, posterlər yayaraq problemin diqqətdə saxlanılmasına çalışırlar.

İyulun 27-da Sulduz (Nəqədə) və Təbriz şəhərlərində milli fəallar ictimai yerlərdə Urmu gölü mövzusunda çap edilmış yüzlərlə yazılı vərəqə və poster yayıblar.

Yazılı vərəqələrdə İmam Hüseyn faciəsindən və Kərbəla çölündəki susuzluq barədə təbliğat aparan Tehran hakimiyyətinin milyonlarla insanın həyatına mənfi təsir göstərəcək Urmu gölünün faciəsinə biganə yanaşdığı tənqid edilib.

Fəallar Güney Azərbaycan əhalisinə çağırış edərək onların ağır iqtisadi şərayitdə yaşadıqları halda Urmu gölünün quruması ilə daha ağır vəziyyətə düşəcəkləri barədə xəbərdarlıq edilib, problemə qarşı etiraz etmələri istənilib.

"Bu problemin qarşısında susmaq azərbaycanlıların hamısının yeni faciələrlə üzləşməsinə, məcburi şəkildə ata-baba yurdlarından başqa yerlərə köçmələrinə səbəb olacaq",- sulduzluların yaydıqları yazılı vərəqələrdə qeyd edilib.

Qeyd edək ki, Güney Azərbaycanda baş verməkdə olan ekoloji fəlakətlə bağlı ictimaiyyəti məlumatlandırmaq və Urmu gölünün acınacaqlı durumunu vətəndaşların və beynəlxalq ictimaiyyətin diqqətinə çatdırmaq məqsədilə bir neçə gün əvvəl "#Urmu_Araz_Üçün_Birlik" həştəgi altında kampaniya başladılıb.

Onlar sosial mediadakı paylaşımlarında Urmu gölünün artıq məhv olmaq üzrə olduğunu yazıb, hakimiyyətin gölün bərpası barədə vədlərinin azərbaycanlıları aldatmağa hesablandığını vurğulayıblar.

Ekofəallar bütün azərbaycanlıları gölün məhv olmasının qarşısının alınması məqsədilə kampaniyaya qoşulmağa, Tehran hakimiyyətinin Azərbaycanın təbiət incisini məhv etməsinə imkan verməməyə çağırıblar.

Timur 

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar