Contact Us

SON XƏBƏRLƏR

Təbrizin qədim bazarının xəritəsi hazırlanıb

2023.07.31, 13:10
Təbrizin qədim bazarının xəritəsi hazırlanıb

Təbrizin əski çağlardan qalmış tarixi bazarının geniş miqyaslı xəritəsi və informasiya bankı hazırlanıb

Gunaz.tv

ANAJ xəbər-analitik portalının məlumatına görə, bu, Təbriz bələdiyyəsinin iki qurumunun əməkdaşlığı ilə hazırlanıb. 

“Bu layihə üzrə Təbriz şəhəri bələdiyyəsinin İnformasiya Texnologiyaları və Rabitə Təşkilatının Şəhərsalma və Memarlıq Departamenti əməkdaşlıq edib.

Məqsəd isə məkanlar və şəhər xəritələri və informasiya banklarını güncəlləşdirmək olub.

Ona görə də bu istiqamətdə Təbriz şəhəri əski bazrının 200:1 miqyaslı xəritəsi hazırlanıb”- bunu Təbriz şəhəri bələdiyyəsi başçısının memarlıq və şəhərsalam işləri müavini Məhəmməd İzzəti açıqlayıb.

Onun sözlərinə görə xəritədə bazarın ticarət, xidmətlər və mövcud məkanları barədə geometrik informasiyalar dərc edilib.

"Həmçinin müvafiq izahlı informasiya, keçidlər və bazara çatma tərzləri, ticarət cərgələri, təsisat, cihazlar və ümumi istifadə məkanları barədə məlumat verilib. 

Xəritəli informasiyalar GIS İnformasiya Bankı formatında hazırlanıb və bələdiyyənin şəhərsalma və sair sektorlarında istifadə etmək məqsədi ilə Şəhərsalma Elektron Sisteminə yüklənib.

Həmçinin ümumi istifadə üçün çap oluna bilən kartoqrafik xəritə də istifadəçilərin müşahidəsinə verilib. 

Təbriz bazarı ilə əlaqədar dəqiq və ayrıntılı xəritənin bundan öncə olmayıb.

Xəritənin və məlumat bankının hazırlanması ilə bazarda yerləşən əmlakın yerlərinin dəqiq göstərilməsi və bununla da şəhər sakinlərinə xidmətin keyfiyyəti yüksəlməsi mümkün olub”-deyə, İzzəti bildirib. 

 Taymaz

Açar Sözlər :

SEÇİLMİŞ XƏBƏRLƏR

Çox oxunanlar