Contact Us

SON XƏBƏRLƏR

Güneyli həkim sürgündə həbsə göndərildi

2023.08.31, 14:56
Güneyli həkim sürgündə həbsə göndərildi

Güney azərbaycanlı həkim Həmid Qarahəsənli 15 illik həbs cəzasını çəkmək üçün Yəzd şəhərinin həbsxanasına köçürülüb.

Gunaz.tv

Bu barədə insan haqları müdafiəçiləri məlumat yayıblar.

Eyni zamanda,  onun həyat yoldaşı Fərzanə Qarahəsənli isə 5 illik həbs cəzasını çəkmək üçün Məşhəd şəhərinə köçürülüb.

Qeyd edək ki, 2022-ci il noyabrın 4-də 54 yaşlı azərbaycanlı rentgenoloq Həmid Qarahəsənli və həyat yoldaşı 46 yaşlı laboratoriya elmləri üzrə mütəxəssis Fərzanə Qarahəsənli Kərəc şəhərindəki evlərində həbs edilib.

Onlar etiraz aksiyasında hökumət məmurları tərəfindən öldürülən azərbaycanlı şairə Hədis Nəcəfinin 40 mərasimində iştirak etdikdən bir gün sonra yarım hərbi Bəsic üzvü Ruhullah Əcəmiyanın öldürülməsinə görə başqa 16 nəfərlə birlikdə saxta ittihamla həbs ediliblər.

Ağır işgəncələrə məruz qalan Həmid Qarahəsənli edam, Fərzanə Qarahəsənli isə 20 il həbs cəzasına məhkum olunub.

Sonradan onların işi Ali Məhkəmədə araşdırılıb və son olaraq Həmid Qarahəsənli sürgündə 15 il, Fərzanə Qarahəsənli isə sürgündə 5 il həbs cəzasına məhkum ediliblər. 

Timur

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar