Kürd narkobaron Qərbi Azərbaycanda fəallaşdırılıb

SON XƏBƏRLƏR

Kürd narkobaron Qərbi Azərbaycanda fəallaşdırılıb

2023.09.26, 09:49

Bundan əvvəl İran və Türkiyədə narkotik maddələrin qaçaqmalçılığı, silahlı dəstə yaratmaq, adam oğurluğu və başqa ağır cinayətlərdə ittiham edilən kürd əsilli Naci Şərifi Zindəşti Qərbi Azərbaycan əyalətində yenidən fəalaşıb.

Gunaz.tv

Sosial mediada yayılan məlumat və videolara görə, o, başçılıq etdiyi "xeyriyyə" təşkilatının təşkil etdiyi mərasimdə xeyriyyəçi rolunda iştirak edib.

Zindəştinin başçılıq etdiyi qrupda ötən əsrin əvvəllərində Qərbi Azərbaycanda azərbaycanlılara qarşı soyqırım törədən İsmayıl Simitqonun nəvələri təmsil olunur.

Zindəşti və onun başçılıq etdiyi qrup üzvləri əyalət rəsmiləri ilə sıx əlaqəli fəaliyyət göstərir, Qərbi Azərbaycanda keçirilən parlament, bələdiyyə və şəhər şurası seçkilərində bölgəyə sonradan gələn kürd əsilli mühacirlərin seçilməsi üçün geniş kampaniya aparır, maliyyə dəstəyi verir.

Əyalətin kürd əsilli valisi Məhəmməd Sadiq Mötəmediyanla adı çəkilən qrupun və Naci Şərif Zindəştinin yaxın münasibətləri barədə dəfələrlə məlumat və görüntülər yayılıb.

Vali Zindəştinin adı ilə keçirilən mərasimlərə qatılır, açılışlarda iştirak edir və onların himayəçisi kimi çıxış edir.

SEPAH komandirləri ilə yaxın münasibətdə olduğu bildirilən Naci Şərif Zindəşti onların və İran Təhlükəsizlik və Kəşfiyyat Nazirliyinin nəzarəti ilə bölgədə əsas narkotik maddələrin qaçaqmalçılarından biridir.

O, bununla yanaşı dəfələrlə xaricdə, özəlliklə Türkiyədə yaşayan iranlı müxaliflərə qarşı süi-qəsdlərin həyata keçirilməsində və onların oğurlanaraq İrana gətirilməsində iştirak edib.

2020-ci ilin dekabr ayında Zindəştinin başçılıq etdiyi cinayətkar dəstənin İsveçdə 14 il sürgündə olan iranlı müxalifətçi Həbib Çəəbi Türkiyəyə səfər edəndən sonra İrana qaçdığı məlum olub.

Türkiyə Milli İstihbarat Təşkilatı (MİT) bununla bağlı əməliyyat keçirərək 11 İran agentini həbs edib.

Saxlanılanların Naci Şərif Zindəştinin yaratdığı cəsus şəbəkəsinin üzvləri olduğu açıqlanıb.

Maraqlı məqamlardan biri budur ki, Zindəşti hələ 2007-ci ildə İranda narkotiklərin qanunsuz dövriyyəsi ilə əlaqəli açılmış cinayət işində tutularaq edama məhkum edilib.

Amma sonradan o, müəmmalı şəkildə istintaqdan yayınaraq Türkiyəyə “qaçmağa” nail olub.

2018-ci ildə isə İstanbul Prokurorluğu bu şəxsə qarşı silahlı cinayətkar birlik yaratma, narkotiklərin qanunsuz dövriyyəsi, adam oğurluğu və qəsdən adam öldürmə ittihamları irəli sürüb.

Lakin o, bundan bir müddət sonra hansısa gizli əllərin yardımı və ehtimal edilən anlaşmalar nəticəsində yenidən İranda peyda olub.

Timur

GUNAZ.TV

SON XƏBƏRLƏR