Contact Us

SON XƏBƏRLƏR

 Erməni millət vəkilləri İrandan yardım istədi

2023.09.29, 16:23
 Erməni millət vəkilləri İrandan yardım istədi

İran parlamentinin erməni millət vəkilləri Robert Bəgləriyan və Ara Şahverdiyan Qarabağ bölgəsindən gedən ermənilərlə bağlı İran Xarici İşlər Nazirliyinə müraciət ediblər.

Gunaz.tv

Bu barədə İsfahanın İran parlamentindəki erməni nümayəndəsi Robert Bəgləriyan bildirib.

"Mən və həmkarım Ara Şahverdiyan İran xarici işlər nazirinin müavini ilə görüşüb "Dağlıq Qarabağ" ermənilərin durumu ilə bağlı narahatlığımızı ifadə etdik. Ermənilərə qarşı ehtimal edilən cinayətlər və deportasiya təhdidi barədə fikir mübqadiləsi apardıq",- Bəgləriyan deyib.

O, İran Xarici İşlər Nazirliyinin məsələ ilə bağlı tədbirlər gördüyünü və bu ölkənin Qızıl Aypara Cəmiyyətinin ermənilərə yardım etmək üçün hazırlaşdığını deyib.

Qeyd edək ki, İranın İrəvandakı səfiri Mehdi Sübhani İran Xarici İşlər Nazirliyinə məktub yazaraq təcili tədbirlər görməyə və Ermənistana humanitar yardım göndərməyə çağırıb.

 Robert Bəgləriyan bir neçə gün əvvəl İran parlamentindəki çıxışında Tehran hökumətinin son 30 ildə Cənubi Qafqazdakı rolunun istənilən səviyyədə olmadığını deyib.

O, Qarabağın Azərbaycan tərəfindən tam azad edilməsini Zəngəzur dəhlizinin açılmasının başlanğıcı olduğu kimi dəyərləndirib.

Bunun NATO-nun layihəsi olduğunu iddia edən Bəgləriyan İran hökumətini buna qarşı tədbirlər görməyə çağırıb.

Timur

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar