BMT-nin xüsusi məruzəçisi Güney Azərbaycandakı durumdan narahatlığını bildirib

SON XƏBƏRLƏR

BMT-nin xüsusi məruzəçisi Güney Azərbaycandakı durumdan narahatlığını bildirib

2023.10.17, 11:23

BMT-nin İranda insan haqları üzrə xüsusi məruzəçisi Cavid Rəhman İnsan Haqları Şurasına təqdim etdiyi hesabatda İranda azərbaycanlılara qarşı ayrı-seçkilikdən narahatlığını ifadə edib.

Gunaz.tv

O, bunu "Azərbaycan İnsan Haqları Cəmiyyəti-ƏRK"-in hesabatlarına istinadən bildirib.

Cavid Rəhman həmçinin bildirib ki, İranda etnik və dini azlıqlara qarşı ayrı-seçkilik mövcuddur. O, etnik və dini azlıqların məhbuslarına qarşı zorakılıq və edam hallarının davam etdiyini, azərbaycanlıların davamlı olaraq təzyiqlərə və ayrı-seçkiliyə məruz qaldıqlarını bildirib.

O, İranda milli və dini azlıqların nümayəndələrinin ana dilləri, ətraf mühit problemi və başqa bu kimi məsələlərlə bağlı mədəni və dinc aksiyalara görə incidildiklərini və həbs edildiklərini qeyd edib.

İranda qadın hüquqlarının da kobud və davamlı şəkildə pozulduğuna diqqət çəkən Cavid Rəhman, bu sahədə fəalliyyətlərinə görə 2023-cü il Nobel Sülh Mükafatçısı Nərgiz Məhəmmədinin 16 il həbs cəzasına məhkum edildiyini xatırladıb.

BMT-nin İranda insan haqları üzrə xüsusi məruzəçisi bir müddət əvvəl İranda qız məktəblərində şübhəli zəhərlənmə hallarına da işarə edib.

Qeyd edək ki, "Azərbaycan İnsan Haqları Cəmiyyəti-ƏRK)-in başçısı
xanım Jalə Təbrizinin rəhbərlik etdiyi nümayəndə heyəti bundan əvvəl professor Cavid Rəhmana mütəmadi olaraq hesabatlar göndərməklə yanaşı, onunla Azərbaycanda insan haqları pozuntuları ilə bağlı təkbətək görüşlər keçirib.

"Azərbaycan İnsan Haqları Cəmiyyəti-ƏRK)-in 43 səhifəlik geniş hesabatında İran hökuməti tərəfindən Azərbaycanda insan haqlarının pozulması ilə bağlı bütün halları ətraflı izah edib.

Təşkilat son bir il ərzində Güney Azərbaycanda keçirilən etiraz aksiyalarında həbs olunanların sayının 775 nəfər olduğunu bildirib.

Timur

GUNAZ.TV

SON XƏBƏRLƏR