Contact Us

SON XƏBƏRLƏR

“Normaları pozanlara qarşı ölçü götürmək üçün qanun layihəsini gözləməyin”- məhkəmə hakimiyyətinin sədri

2023.10.31, 12:58
“Normaları pozanlara qarşı ölçü götürmək üçün qanun layihəsini gözləməyin”- məhkəmə hakimiyyətinin sədri

İranın məhkəmə hakimiyyətinin sədri Qulamhüseyn Möhsüni Ejeyi “İffət və Hicab” qanun layihəsinin hələ təsdiq olunmadığını bildirməklə prokurorlara çağırış edib.

Gunaz.tv

“Prokurorlar normaları pozanlara qarşı ölçü götürmək üçün “İffət və Hicab” qanun layihəsinin təsdiq olunmasını gözləməsin. Prokurorlar iffət və hicab barədə normaları pozanlara qarşı mövcud qanunlardan istifadə etməlidir. 

Polis qüvvələri və daxili işlər nazirliyi hicab barədə hərəkətə keçməli, normaları pozmağa çağıranlara qarşı ölçü götürməlidir. Onlar düşmənin tərəfində dayanıblar.”- deyə Ejeyi hicaba riayət etməyənlərə qarşı polis qüvvələrindən hərəkətə keçməyi tələb edib. 

Qeyd edək ki, qadın haqları üzrə ötən ilin sentyabrında başlamış hərəkatdan sonra İranda hicaba tam riayət olunmur. 

Bunun qarşısını almaq məqsədi ilə “İffət və Hicabın Təşviqi ilə Ailələri Müdafiə” layihəsi tərtib edilmiş və İranın İslami Şura Məclisində qərara alınaraq yekun təsdiqlənməsi üçün Nəzarət Şurasına (Nigəhban Şurası) gönədirilib.

Şura layihənin bəzi terminlərinə irad tutaraq yenidən baxılması üçün layihəni Məclisə geri qaytarıb.

Taymaz

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar