Contact Us

SON XƏBƏRLƏR

İyirmi Amerika senatoru üç Avropa ölkəsini İrana qarşı "tətik mexanizmini" işə salmağa çağırıb

2025.07.24, 12:09
İyirmi Amerika senatoru üç Avropa ölkəsini İrana qarşı "tətik mexanizmini" işə salmağa çağırıb

Amerikanın respublikaçı senatoru Pit Rikets Amerika Senatında çıxışı zamanı deyib ki, İran İslam Respublikasının əlavə vaxta ehtiyacı yoxdur, ona daha çox təzyiq göstərilməlidir.

Gunaz.tv

Amerika senatoru çıxışında üç Avropa ölkəsini – Britaniya, Fransa və Almaniyanı BMT-nin İslam Respublikasına qarşı sanksiyalarını tətbiq etmək üçün tətik mexanizmini tez bir zamanda işə salmağa çağırıb. Digər 19 Amerika senatoru da onun tələbini dəstəkləyib.

"İran nüvə silahı əldə etməməlidir. Bu qırmızı xətt onilliklərdir, Klintonun prezidentliyindən bəri mövcuddur və buna səbəb İranın nüvə silahı əldə etməsinin nəticələrinin fəlakətli olmasıdır." - deyə Rikets çıxışında bildirib.

Ricketts deyib ki, İran rejimi indi 1980-ci illərdən bəri ən zəif vəziyyətindədir və yəqin ki, o vaxtdan da zəifdir.

Respublikaçı senator bildirib ki, Amerika prezidenti Donald Trampın əmri ilə həyata keçirilən  hava hücumları İranın nüvə silahına gedən “yolunu” bir neçə il geridə qoyub, lakin bu fürsətdən istifadə etmək üçün Birləşmiş Ştatlar və müttəfiqləri İranı uranın zənginləşdirmə qabiliyyəti də daxil olmaqla, nüvə proqramını daimi şəkildə dayandırmağa məcbur etmək üçün maksimum təzyiq göstərməlidir.

Xatırladaq ki, Amerika prezidenti Donald Tramp zərurət yaranarsa, İranın nüvə obyektlərinə yenidən zərbə endirmək əmri verəcəyini deyib.

 

C

Açar Sözlər :

SEÇİLMİŞ XƏBƏRLƏR

Çox oxunanlar