Fon der Leyen Amerika ilə razılaşmaya dair bəyanat yayıb

SON XƏBƏRLƏR

Fon der Leyen Amerika ilə razılaşmaya dair bəyanat yayıb

2025.07.28, 09:51

Bugünkü razılaşma qeyri-müəyyən zamanlarda müəyyənlik yaradır. O, Atlantikanın hər iki tərəfindəki vətəndaşlar və bizneslər üçün sabitlik və proqnozlaşdırılan durumu təmin edir.

Gunaz.tv

Bu barədə Avropa Komissiyasının prezidentinin Şotlandiyada Amerika lideri Donald Trampla danışıqların nəticələrinə dair bəyanatında deyilir.

"Bu, dünyanın iki ən böyük iqtisadiyyatı arasında bir sövdələşmədir. Biz ildə 1,7 trilyon dollar həcmində ticarət edirik. Birlikdə biz 800 milyon insanı və dünya ÜDM-nin təxminən 44%-ni əhatə edən bir bazarı təmsil edirik", - fon der Leyen bildirib.

O, sövdələşmənin bəzi detallarını açıqlayıb. Belə ki, tərəflər Aİ-nin Amerikaya ixracının əksəriyyəti üçün 15% vahid tarif dərəcəsi barədə razılığa gəliblər. Bu dərəcə avtomobillər, yarımkeçiricilər və əczaçılıq məhsulları da daxil olmaqla, demək olar ki, bütün sektorlara tətbiq olunur. Və heç bir əlavə ödənişlər olmadan aydın bir tavanı təmsil edir.

"Bu gün biz həmçinin bir sıra strateji məhsullar üçün sıfır tariflər barədə razılığa gəldik. Bura bütün təyyarələr və komponentlər, müəyyən kimyəvi maddələr, bəzi dərmanlar, yarımkeçirici avadanlıqlar, bəzi kənd təsərrüfatı məhsulları, təbii ehtiyatlar və kritik xammal daxildir", - fon der Leyen rəhbəri bildirib və qeyd edib ki, siyahı genişlənəcək.

"Polad və alüminium üzrə Aİ və Amerika qlobal həddən artıq istehsal kimi ümumi xarici problemlə üzləşirlər. Buna görə də tərəflər ədalətli qlobal rəqabəti təmin etmək üçün birlikdə çalışacaqlar", - deyə avropalı lider qeyd edib.

Həmçinin Aİ Rusiya qazı və neftini Amerika mayeləşdirilmiş təbii qazı, nefti və nüvə yanacağının əhəmiyyətli alışları ilə əvəz edəcək.

Avropa Komissiyasının rəhbəri həmçinin Trampa bu irəliləyişin əldə edilməsində göstərdiyi liderlik üçün təşəkkürünü bildirib.

GUNAZ.TV

SON XƏBƏRLƏR