Tramp: Amerikanın dünyanı 150 dəfə partlatmağa yetəcək qədər nüvə silahı var

SON XƏBƏRLƏR

Tramp: Amerikanın dünyanı 150 dəfə partlatmağa yetəcək qədər nüvə silahı var

2025.11.03, 11:30

Amerikanın dünyanı 150 dəfə məhv etməyə yetəcək qədər nüvə silahı ehtiyatı var.

Gunaz.tv

Amerika Prezidenti Donald Tramp bu barədə "CBS News" telekanalına verdiyi müsahibəsində bildirib.

O deyib ki, Amerika nüvə potensialına görə dünyanın digər dövlətlərini geridə qoyur, lakin bu gücün məsuliyyətli şəkildə idarə olunması zəruridir.

“Bizim digər ölkələrdən daha çox nüvə silahımız var. Denuklearizasiya istiqamətində ciddi addımlar atmaq lazımdır. Amma eyni zamanda, Amerika nüvə sınaqları keçirməyən yeganə dövlət kimi qalmamalıdır”, – Tramp vurğulayıb.

O, bu məsələni Çin lideri Si Cinpin və Rusiya Prezidenti Vladimir Putinlə də müzakirə etdiyini qeyd edib.

“Bizim dünyanı 150 dəfə partlatmağa kifayət edəcək qədər nüvə silahımız var. Rusiyanın da çoxlu silahı mövcuddur, Çin isə yaxın illərdə bu potensiala çatacaq”, – Tramp əlavə edib.

Tramp onu da qeyd edib ki, Amerikanın təhlükəsizlik maraqları baxımından nüvə sınaqlarının tam dayandırılması məqsədəuyğun deyil. Onun sözlərinə görə, əgər digər ölkələr bu sahədə fəaliyyət göstərirsə, Vaşinqton da öz texnoloji üstünlüyünü qorumaq üçün adekvat addımlar atmalıdır.

GUNAZ.TV

SON XƏBƏRLƏR