Contact Us

SON XƏBƏRLƏR

Ankara Hörmüz boğazından yan keçən yeni enerji ixrac marşrutları hazırlayıb

2026.04.03, 11:19
Ankara Hörmüz boğazından yan keçən yeni enerji ixrac marşrutları hazırlayıb

İran ətrafında gərginlik fonunda Türkiyə Hörmüz boğazından yan keçərək neft və qaz tədarükü üçün beş alternativ marşrut hazırlayıb.

Gunaz.tv

Günaz TV "Report"a istinadən xəbər verir ki, bu barədə "Türkiye" qəzeti Türkiyə Ticarət Nazirliyinə istinadən məlumat yayıb.

Nazir Ömər Bolatın sözlərinə görə, Ankara alternativ logistika marşrutlarının işə salınması üçün fəal addımlar atır ki, bu da, xüsusən də böhran dövründə həm enerji istehsalçıları, həm də istehlakçılar üçün vacib bir həll yolu ola bilər.

Nəşrin məlumatına görə, Fars körfəzi bölgəsindən bir neçə enerji nəqli marşrutu nəzərdən keçirilir. Bunlara İraq və Suriya üzərindən quru yolu ilə çatdırılmalar, Süveyş kanalı, Qırmızı dəniz, İordaniya və Səudiyyə Ərəbistanı vasitəsilə birləşdirilmiş marşrut, eləcə də Oman limanından BƏƏ-yə və regionun digər ölkələrinə gedən marşrut daxildir.

Bundan əlavə, Ümid Burnu marşrutu variantlardan biri kimi qeyd olunsa da, çatdırılma müddətini 10-15 gün artırdığı və nəqliyyat xərclərinin yüksəlməsinə səbəb olduğu üçün daha az gəlirli hesab olunur.

Daha əvvəl bildirilib ki, Türkiyə, Misir və Səudiyyə Ərəbistanı Hörmüz boğazından neft məhsullarının daşınmasını əlaqələndirmək üçün konsorsium yaratmaq imkanlarını araşdırır.

 

C

Açar Sözlər :

SEÇİLMİŞ XƏBƏRLƏR

Çox oxunanlar