"WikiLeaks"in İran-Ermənistan qeydləri

SON XƏBƏRLƏR

"WikiLeaks"in İran-Ermənistan qeydləri

2021.10.20, 07:36

Gunaz.tv

GünAzTv: Ermənistanın İrana satdığı silahları Tehran İraq yaraqlılarına ötürüb. Amerka İrəvana hədə-qorxu gəlib, prezident isə bir daha belə iş görməyəcəyinə dair söz verib.

Vaşinqtonda xəbər tutubmuşlar ki, Ermənistan ABŞ-ın (Amerika Birləşmiş Ştatları) düşməni İrana silah satır. Almaniyanın “Şpigel” jurnalı bunları WikiLeaks saytında açıqlanan məxfi sənədlərə istinadla yazır. Amerika diplomatlarının o zaman Yerevandan Vaşinqtona vurduğu teleqramlara görə, Ermənistan Bolqarıstandan alıbmış. Ermənistanın indiki prezidenti Sarkisyan o zaman Ermənistanın müdafiə naziri imiş, açıqlanan teleqramlara görə, o, şəxsən Bolqarıstana söz veribmiş ki, həmin silahlar Ermənistanda qalacaq. Amma Amerikanın əldə etdiyi məlumatlara görə, həmin silahlar İrana satılıb, İran isə onları İraqdakı şiə yaraqlılarına ötürüb. İraqda Amerika qüvvələri ilə döyüşən yaraqlılarsa həmin silahlarla - amerikalıların tədqiqatına görə - 1 Amerika əsgərini öldürüb, daha 10-nu isə yaralayıblar. WikiLeaks-in açıqladığı sənədlərə görə, bundan qəzəblənən ABŞ-ın o zamankı dövlət katibi Kondaliza Rays hətta bu silah satışına görə Sarkisyana Amerika diplomatları vasitəsilə təzyiqi artırmağa çalışıb. “Şpigel” jurnalı yazır ki, Amerika kəşfiyyatı Ermənistanla İran arasındakı silah sazişinin bütün detallarından xəbər tutub. Məlum olub ki, tank əleyhinə RPQ-22 raketləri Vazovski Maşınqayırma Zavodunda istehsal edilib. Pulemyotları isə Bolqarıstanın Arsenal şirkəti istehsal edib. Ermənistan tərəfdən sazişə Zao Veber şirkəti imza atıb. Onun səhmlərinin bir hissəsi dövlətə məxsusdu. İran tərəfdən isə sazişi Abdi Asjerd silah satışı şirkəti imzalayıb. Rays Amerika diplomatına təlimat verib ki, Sarkisyana təzyiq etsin - ona anlatsın ki, bir də belə şey təkrarlansa, Amerika Ermənistana qarşı geniş sanksiyalar tətbiq edə bilər. Amerika diplomatına görə, görüşdə Sarkisyan əvvəlcə məsuliyyəti boynundan atmağa çalışıb. Amma Amerika tərəfinin əldə etdiyi süburlarla tanış olandan sonra Sarkisyan söz verib ki, xarici ölkələrə silah satışına nəzarət gücləndiriləcək. Amerikalılar isə onu gücləndirilmiş nəzarət qaydalarını mümkün qədər tez təqdim etməyə çağırıblar.

GUNAZ.TV

SON XƏBƏRLƏR