Contact Us

SON XƏBƏRLƏR

"Wikileaks" Səddam Hüseynin edam səhnəsindən yazıb

2021.10.20, 07:36
"Wikileaks" Səddam Hüseynin edam səhnəsindən yazıb

Gunaz.tv

GünAzTv: "Wikileaks" internet saytının yaydığı yeni sənədlərdə İraqın keçmiş prezidenti Səddam Hüseynin asılması ilə bağlı məlumatlara yer verilib.

Bu sənədlərə görə, Səddam ölmədən öncə "İqtidarda olduğum müddətdə bu anın gələcəyini bilirdim. Liderlərin düşməni çox olur" deyib.

GünAzTv mətbuat mərkəzinin TRT-yə istinadən yaydığı məlumata görə, 7 yanvar 2007-ci il tarixində o zamankı Bağdad səfiri Zalmay Halilzad tərəfindən Vaşinqtona göndərilən teleqramda Səddamın asılması anında yaşananlardan bəhs edilir.

Məlumatları edam qərarını təsdiq edən İraq baş prokurorunun müavini Monkit Əl Farundan alan səfir Səddamın Bağdad yaxınlığındakı hücrəsindən vertolyotla şəhərin mərkəzindəki həbsxanaya gətirildiyini yazır. Səddamı həbsxanaya qədər amerikalılar gətirib, burada isə səlahiyyəti iraqlılar alıb.

Amerikalılar yalnız Səddamın asıldığı platformanı inşa ediblər.

Sənəddə bildirilir ki, edam anında Səddamın üzünə maska taxılıb, əlləri arxadan bağlı olub və özündən asılı olmadan titrəyirmiş: "Əlləri açıldıqdan sonra hakim İraq hökuməti tərəfindən seçilən 13 nəfərin qarşısında cinayətlərini oxudu. O anda Səddam narahat oldu və hələ prezidentmiş kimi danışmağa başladı. Salondakılardan biri ölməkdən qorxub-qorxmadığını soruşduğu zaman o qorxmadığını, prezident olduğu zamandan bəri bu anı gözlədiyini, çünki prezidentin düşməninin çox olduğunu bildiyini söylədi".

Səddam daha sonra əlindəki Qurani-Kərimi kimin ailəsinə verəcəyini soruşub. Əl Farun kitabı alaraq bu istəyi yerinə yetirəcəyini söyləyib. O əsnada nəzarətçilər Səddamın əllərini yenidən arxadan bağlayıblar. Daha sonra isə onun ayaq biləkləri bağlanıb. İdam kürsüsünə gedərkən pilləkanları çıxmasına kimin kömək edəcəyini soruşub. Qələbəlikdən biri "cəhənnəmə get" deyə bağırıb.

Hakim qələbəliyə bağıraraq kimsənin danışma haqqının olmadığını bildirib. Hökumət üzvü olan iki nazir isə mobil telefonuyla o anları qeydə alıb.

İki nəzarətçi Səddamın kürsüyə çıxmasına kömək edib. Səddam dir durub dua etməyə başlayıb. Maska taxmaq istəyib-istəmədiyinə dair sualın cavabında isə istəmədiyini bildirib. Ona asılarkən boynunun qopa biləcəyi xatırladılıb. Səddama ağrını azaltmaq üçün boynunun ətrafına parça sarımaq təklif edilib. O isə təklifi qəbul edərək duasına davam edib....

SEÇİLMİŞ XƏBƏRLƏR

Çox oxunanlar