Mübariz Əhmədoğlu: İranın nüvə texnologiyasının inkişafı, nüvə qəzası ilə nəticələnə bilər

SON XƏBƏRLƏR

Mübariz Əhmədoğlu: İranın nüvə texnologiyasının inkişafı, nüvə qəzası ilə nəticələnə bilər

2021.10.20, 07:36

Gunaz.tv

GünAzTv: Dekabrın 3-də Siyasi İnnovasiya və Texnologiya Mərkəzi (SİTM) noyabr ayında beynəlxalq və regional aləmdə baş verən ictimai-syiasi proseslərin ümumi yekunlarına dair hesabatını açıqlayıb.

GünAzTv mətbuat mərkəzinin “Media forum”-a istinadən yaydığı məlumata görə, Hesabatı təqdim edən SİTM sədri Mübariz Əhmədoğlu əvvəlcə İran ətrafında yaranmış vəziyyəti təhlil edib. O bildirib ki, İranın nüvə texnologiyasını inkişaf etdirməsi həm region, həm də bu dövlətin özü üçün ciddi təhlükə vəd edir: “Elmi-texnoloji potensialı zəif olduğu üçün nüvə texnologiyası ilk növbədə İranın özünün əleyhinə çevriləcək. Nüvə texnologiyasından istifadə olunan bütün texniki avadanlıqların, elmi layihələndirmənin və kompüter proqramlarının, demək olar ki, heç biri İranın istehsalı deyil. Mütəxəssis çatışmadığı üçün İran mövcud vəziyyəti belə idarə edə bilmir. Uranın zənginələşdirilməsi 50 faizi keçdikdən sonra istənilən an İranda nüvə qəzası baş verə bilər”.

Politoloq Dağılq Qarabağ münaqişəsinə də toxunub. Onun qənaətinə görə, son vaxtlar Dağlıq Qarabağ münaqişəsinin tənzimlənməsi istiqamətində atılan addımlar Ermənistanı çətin vəziyyətə salıb. Dünya ermənilərinin getdikcə zəiflədiyinə diqqəti çəkən politoloq deyib ki, son illər erməni diasporu ciddi assimilyasiyaya məruz qalır: “Bir müddət əvvəl ermənilər ABŞ və Fransada ciddi siyasi məğlubiyyətlə üzləşdilər. ABŞ-daık aralıq seçkilərdə ermənilərin dəstəklədiyi Demokratlar Partiyası məğlub oldu, qatı ermənipərəst, konqresin spikeri Nensi Pelosi sədrlik postunu fraksiya liderliyinə dəyişdi.

Fransa prezidentinin keçirdiyi islahatlar nəticəsində Avropada ermənilərin “boz kardinal”ı hesab olunan Patrik Devecyan həm nazir, həm də hakim partiyanın sədrliyi vəzifəsindən uzaqlaşdırıldı. Bu arada həmçinin ABŞ, Avropa və Rusiyada erməni kriminalların aşkarlanması ilə bağlı məlumatların ardı-arası kəsilmir”.

GUNAZ.TV

SON XƏBƏRLƏR