İran “soyqırım” iddiasından geri oturaraq Türkiyəyə rəsmi izahat verib

SON XƏBƏRLƏR

İran “soyqırım” iddiasından geri oturaraq Türkiyəyə rəsmi izahat verib

2021.10.20, 07:36

Gunaz.tv

GünAzTv: Rəsmi Tehran vitse-prezidentin sözlərinin təhrif edildiyini bildirir və Ankaraya etiraz edir.

GünAzTv mətbuat mərkəzinin “Musavat”-a istinadən yaydığı məlumata görə, İran Xarici İşlər Nazirliyi Türkiyənin ermənilərə qarşı “soyqırım” törətdiyinə dair vitse-prezident Həmid Baqayinin işlətdiyi ifadələrlə bağlı Ankaraya rəsmi izahat verib. CNN Türk kanalı xəbər verir ki, İran XİN-in cavabında vitse-prezidentin sözlərinin KİV-lər tərəfindən təhrif edldiyi bildirilir. Cavabda deyilir ki, İran 1915-ci ildə Osmanlı Türkiyəsində baş vermiş hadisələri “soyqırım” olaraq rəsmən tanımayıb və bu cür tarixi məqamlarla bağlı siyasi mövqe ifadə etmir.

Xatırladaq ki, İran vitse-prezidentinin ötən həftə 1915-ci il hadisələri ilə bağlı “soyqırım” ifadəsini işlətməsi barədə yayılan xəbərlərdən sonra Türkiyə tərəfi rəsmi Tehrandan izahat istəyib. Xarici işlər naziri Əhməd Davudoğlu iranlı həmkarı Manuçehr Möhtəki ilə telefonla danışaraq ona məsələ ilə bağlı narahatlığını bildirib. Möhtəki deyib ki, vitse-prezidentin adından yayılan açıqlama təhrif edilib və İran XİN məsələni araşdırıb Türkiyə tərəfinə əlavə izahat verəcək.

Bu arada rəsmi Tehran da Ankaraya etiraz bildirmək üçün səbəb tapıb. Türkiyənin Van bölgəsində İrandan gələn şiə zəvvarların avtobusu daşa basılıb və bir neçə zəvvar yüngül xəsarət alıb. İranın Xarici İşlər və Mədəniyyət Nazirliyi tərəfindən göndərilən rəsmi etiraz məktubunda deyilir ki, iranlı zəvvarlara qarşı düşmənçilik hərəkəti iki ölkə arasındakı münasibətlərə zərbə vurur. İran tərəfi xəbərdarlıq edir ki, bu cür zorakılıq hərəkətlərinin davam etməsi iranlı zəvvarların Türkiyəyə ziyarətinin tam kəsilməsinə səbəb ola bilər. Rəsmi Tehran bu hücumların arxasında Türkiyə hökumətinin deyil, ayrı-ayrı qrupların dayandığına ümid edərək günahkarların məsuliyyətə cəlb olunmasına çağırır.

GUNAZ.TV

SON XƏBƏRLƏR