Contact Us

SON XƏBƏRLƏR

Fransa hökuməti Səkinə Aştiyani ilə bağlı Avropa İttifaqına müraciət edib

2021.10.20, 07:36
Fransa hökuməti Səkinə Aştiyani ilə bağlı Avropa İttifaqına müraciət edib

Gunaz.tv

GünAzTv: Fransa hökuməti İranda rəcm (Daşqalaq) cəzasına məhkum edilmiş 43 yaşlı Səkinə Məhəmmədi Aştiyaninin azad edilməsi üçün Avropa İttifaqı ölkələrini birgə kampaniya başlatmağa çağırıb.

GünAzTv mətbuat mərkəzinin “üç nöqtə”-yə istinadən yaydığı məlumata görə, Fransanın xarici işlər nazri Bernard Koşner Avropa İttifaqının birgə kampaniya başlaması üçün Avropa İttifaqının ali nümayəndəsi Katerin Aştona müraciət edib. İttifaqa üzv olan 27 ölkəyə ünvanlanan məktubda lazım olacağı təqdirdə İrana qarşı sanksiyaların tətbiq olunması təklif olunub. Fransız nazir Aİ nümayəndəsinə ünvanladığı məktubunda İranın cəzanı tətbiq edəcəyi təqdirdə rəsmi Tehrana qarşı hansı sanksiyaların tətbiq oluna biləcəyini araşdırmağı da tələb edib.Qeyd edək ki, 2006-cı ildə Səkinə Məhəmmədi Aştiyani iki kişi ilə zina etməkdə təqsirləndirilərək 99 şallaq cəzasına və rəcm cəzasına məhkum edilib. Hazırda isə onun ölüm cəzasının icra edilməsi tələb olunur. 43 yaşlı qadının uşaqları isə analarının əslində təcavüzə məruz qaldığı, lakin inqilab keşikçilərinə bunu sübut edə bilmədiyini bildirirlər. İran İslam İnqilabından bəri İranda zina edənlər “rəcm” cəzasına, yəni daş-qalaq edilərək ölümə məhkum edilir. Yanvar ayından indiyə qədər isə 126 qadın daş-qalaq edilərək öldürülüb. İranda tətbiq edilən bu cəzada da qadınlar və kişilər arasında fərq qoyulur. Bu cəzanın yüngülləşdirici bir şərti nəzərdə tutulsa da, qadınlara bu imkandan yararlanmaq nəsib olmur. Belə ki, daş-qalaq edilən şəxs yarıya qədər torpağa basdırılır. Əgər daş-qalaq zamanı o, basdırıldığı yerdən çıxa bilərsə, edam hökmünün icrası dayandırılır. Xilas olmuş şəxs ya azad edilir, yaxud da öldürülmək əvəzinə həbs edilir. Kişilər bellərinə qədər torpağa basdırıldığından onların bəzən xilas olmaq şansları olur, lakin qadınlar daha dərin basdırıldığından onların xilas olmaq şansı demək olar heç vaxt olmur.

SEÇİLMİŞ XƏBƏRLƏR

Çox oxunanlar