Türkiyə rəsmisi Ermənistanla sərhədin müvəqqəti açılacağını bildirib

SON XƏBƏRLƏR

Türkiyə rəsmisi Ermənistanla sərhədin müvəqqəti açılacağını bildirib

2021.10.20, 07:36

Gunaz.tv

GünAzTv: Azərbaycanda Xalq Hərəkatçılarının yaxşı tanıdığı millətçi Mehmet Ceylan buna necə haqq qazandırdı?!

Türkiyə NATO karvanının öz sərhədi vasitəsilə Ermənistana keçməsinə razılıq verməsə, NATO-nun 11-17 sentyabr üçün nəzərdə tutulmuş təlimləri ləğv oluna bilər. Bu barədə Türkiyə XİN-in Avrasiya ölkələri üzrə departamentinin rəhbəri Mehmet Fatih Ceylan bildirib. "Nəzəri olaraq Türkiyə lazımi avadanlıqların buraxılışı üçün icazə verməyə və sərhədi açmaya bilər. Lakin bu, təbii fəlakətlə mübarizəyə hazırlıq üçün FHN-in hərbi xarakter daşımayan təlimləri olacaq" - türkiyəli diplomat "Trend"ə bildirib.

Onun sözlərinə görə, NATO Ermənistanda təlim üçün Türkiyə ərazisindən hərbi-texniki avadanlıqlar keçirmək niyyətində olsaydı, Ankara buna icazə verməzdi. "Təlimlərin FHN çərçivəsində keçiriləcəyini nəzərə alaraq, Türkiyə təlimlər üçün NATO avadanlıqlarının keçirilməsi məqsədilə müvəqqəti olaraq sərhədi açacaq" - Ceylan deyib. "Ssenari belədir ki, Ermənistanda zəlzələ baş verir və NATO qüvvələri lazımi yardım göstərmək üçün oraya yollanır" - deyən Ceylan "belə təlimlərin keçirilməsi üçün Türkiyə, təşkilatın üzvü kimi, NATO qüvvələrini öz sərhədindən keçirməyə bilməz" fikrini əlavə edib. "Lakin mövcud addım Türkiyənin Ermənistanla sərhədi rəsmi şəkildə açması demək deyil" - diplomat bildirib. Ölkələr arasında sərhədlər 1993-cü ildə İrəvanın qondarma "erməni soyqırımı"nın dünyada tanınması yönündə iddiaları və Ermənistan Silahlı Qüvvələrinin Azərbaycan ərazisini işğalı ilə əlaqədar olaraq bağlanıb. Azərbaycanın çox həssas yanaşdığı bu məsələyə olduqca fəal reaksiyalar olacaq. Çünki sərhədin, hətta müvəqqəti açılmasının Azərbaycanın maraqlarına zidd olması rəsmi və ictimai səviyyədə dəfələrlə bəyan edilib.

GUNAZ.TV

SON XƏBƏRLƏR