“Paşinyan Moskvaya təlimat almağa gedib”-Politoloq Yeganə Hacıyeva

SON XƏBƏRLƏR

“Paşinyan Moskvaya təlimat almağa gedib”-Politoloq Yeganə Hacıyeva

2023.05.09, 14:19

Gunaz.tv

Paşinyanın Moskva səfəri nəyə hesablanıb? Ermənistan sülh sazişinin imzalanmasını yenə yubada biləcəkmi? Politoloq Yeganə Hacıyeva Günaz.TV-yə açıqlamasında bildirib ki, mayın14-də keçiriləcək görüş AB-nin Ermənistan-Azərbaycan danışıqlarında ABŞ-ın nəticə vermiş təşəbbüslərini ələ keçirmək cəhdləridir:

“Avropa Birliyi bundan öncə Gürcüstanda sülhyaratma missiyası adı altında Cənubi Qafqazda yerləşib. Lakin fakitiki olaraq sülhə heç bir töhfə verməyiblər. Onlar hec bir prosesə təsir etmirlər.

Sadəcə regionda mövcudluğu əsaslar kimi formalaşdıran yanaşma var ortada. Eyni yanaşma həmçinin Ermənistanla da oldu. Ermənistanın Azərbaycan sərhəddə törətdiyi təxribatlardan sonra AB missiyasının bölgəyə gəlməsi belə deməyə əsas verir ki, o təxribatların sifarişi də elə AB-dən gəlmişdi.

2021-ci ilin noyabrın 14-də sərhəddə Emənistan tərəfi gərginlik törətdi. Həmin hərbi təxribatlardan sonra danışıqlara 3 tərəfdən əlavə həm də Avropa Birliyi daxil oldu.

Nəticə etibarilə də 14 noyabr eskalasiyasından sonra AB fevralda danışıqlara cəlb olundu, daha doğrusu özü-özünü cəlb etdi.
2022-ci ilin fevralında Fransa prezidenti Emmanuel Makronun iştirakı ilə Azərbaycan prezidenti və Ermənistanın baş nazirinin onlayn formatda görüşü oldu. Ardınca 2022-ci ilin aprelində Brüsseldə görüş keçirildi.

Bu görüşdə AB Şurasının rəhbəri Şarl Mişel moderasiya etdi. Qeyd edək ki, 44 günlük müharibə bitər-bitməz AB Azərbaycan ərazisində gedən müharibədə Ermənistana “ müharibə nəticəsində dağılmış infrastrukturların bərpası” adı altında maliyyə ötürmüşdü”. Bunu daha sonra Ermənistana yerləşmək üçün verilən “şirinlik” kimi qəbul etmək lazımdır.

“Brüssel görüşündən xüsusi gözləntimiz olmamalıdır”

Yeganə Hacıyeva bildirib ki, Avropa Şurasının təşəbbüsünü sülh üçün faydalı hesab etmək olmaz: “Çünki Avropa Birliyinin təşəbbüsləri də Rusiyanın təşəbbüsləri kimidir.

Rusiya əgər status-kvonu saxlamaq istəyirsə, AB regiona yerləşmək istəyir. Bunu da xatırlatmaq lazımdır ki, bu ilin aprelin 11-dəki sərhəd təxribatı baş verdi. Bu, gərginlik deyildi, Azərbaycanın ərazisində açıq hərbi təxribat idi. İran dronlarının iştirakı ilə hərbi diversiya olmuşdu. Bu Ermənistanın İranla birgə etdiyi hərbi təxribat idi.

Maraqlıdır ki, bu, ATƏT nümayəndələrinin Bakıya səfərindən bir gün öncə olmuşdu. Bu, o deməkdir ki, onlar danışıqlara gələrkən əllərində əsas olsun. Bu dəfə də belə olacaq. Bu baxımdan mayın 14-də olacaq görüşdən xüsusi gözləntim yoxdur. Çünki bu da AB-nin bundan öncəki kimi gərginlikdən istifadə edib regionda yerləşmək təşəbbüsünə xidmət edir. Ermənistan sazişi üçün ciddi addımlar atmalıdır.

Paşinyan Moskvaya səfərinə gəlincə, baş nazir təlimatlar almağa gedib. Paşinyan 9 mayı bəhanə edib Moskvaya getməsi Rusiyaya jest kimi qiymətləndirmək lazımdır. “Rusiyanın təlimatını alaraq Brüsselə gedir” görüntüsü Paşinyana lazımdır”.

Günaz.TV

GUNAZ.TV

SON XƏBƏRLƏR