6 ərəb ölkəsi Suriyada səfirliklərini bağlayır

SON XƏBƏRLƏR

6 ərəb ölkəsi Suriyada səfirliklərini bağlayır

2021.10.20, 07:36

Gunaz.tv

GünAz TV: Körfəz Əməkdaşlıq Şurasına daxil olan 6 ölkə beynəlxalq ictimaiyyətə Suriyada baş verənlərə son qoyulması çağırışı ilə bu ölkədəki səfirliklərini bağlamağı qərara alıb.

Şuranın başçısı Əbdüllətif əl-Zəyani bildirib ki, Səudiyyə Ərəbistanı, Birləşmiş Ərəb Əmirliyi, Bəhreyn, Oman, Qətər və Küveyt Suriya rejiminin hərbi əməliyyatları dayandırmaması və zorakılığa son qoyulması üzrə bütün təşəbbüsləri rədd etməsinə etiraz olaraq bu addımı atıb. Səudiyyə Ərəbistanı və Bəhreyn Dəməşqdəki səfirliklərin bağlanmasını bu kollektiv qərardan əvvəl bəyan etmişdi. Ötən gün isə Bəhreyn buna qoşulmuşdu. Regional (bölgəsəl) şuranın bu altı üzvü öz ölkələrindəki Suriya səfirlərini isə artıq çıxarıblar.

Xatırladaq ki, bu region (bölgə) ölkələri ilə yanaşı, ABŞ (Amerika Birləşmiş Ştatları) və Fransa bir müddət əvvəl Dəməşqdəki səfirliklərini bağlamışdı. İtaliya, Böyük Britaniya və İspaniya isə Dəməşqdəki diplomatik missiyalarının fəaliyyətini müvəqqəti dayandırıb.

Suriyadakı iğtişaşlar isə artıq ikinci ilə keçir. BMT-nin (Birləşmiş Millətlər Təşkilatı) açıqlamasına görə, bu münaqişədə 8 mindən çox dinc sakin ölüb.

Bu arada BMT Suriyadakı vəziyyəti müəyyən etmək üçün bu həftə humanitar (insani) missiya göndərəcəyini bildirib. BMT missiyası isə İslam Əməkdaşlıq Təşkilatının nümayəndələri ilə birlikdə Suriya hökumətinin başçılıq edəcəyi nümayəndə heyətinin tərkibinə daxil olacaq. BMT-nin bu açıqlaması 200-dək yardım və hüquq müdafiə qrupunun Rusiya və Çinə Suriyada zorakılığın dayandırılması üzrə cəhdləri dəstəkləmək çağırışından sonra gəlib. Xatırladaq ki, Rusiya və Çin BMT Təhlükəsizlik Şurasının Suriya üzrə qətnaməsinə veto qoyan ölkələrdir. Humanitar missiya Homs, Həma, Tartus, Latakia, Hələb, Deir Əzzor və Dəraa vilayətlərində olacaq. Ans press

N.S

GUNAZ.TV

SON XƏBƏRLƏR