İranda elektrik çatışmazlığı böhranı daha da dərinləşir

SON XƏBƏRLƏR

İranda elektrik çatışmazlığı böhranı daha da dərinləşir

2025.01.30, 14:01

İranın Enerji İstehsalı, Ötürülməsi və Paylanması Şirkətinin (Tavanir) enerji səmərəliliyi layihələrinin direktoru Məsud Xani bildirib ki, şirkətin təxminən 2,2 milyard dollar çox itkisi və 2.3 milyard dollar həcmində ödənilməmiş borcları var.

Gunaz.tv

Yanvarın 29-da Məsud Xani bildirib ki, son üç il ərzində həm Tavanir, həm də ümumilikdə İranın elektrik sektoru zərərlə işləyir və şirkətin elektrik stansiyalarına olan borcları durmadan artır.

Qeyd edək ki, daha öncə İran Enerji İstehsalçıları Şirkətinin idarə heyətinin sədri Həsənəli Tağızadə iddia etmişdir ki, elektrik enerjisi tariflərinin artması səbəbindən Tavanir-in gəlirləri son üç ildə 3,5 dəfə artmışdır. Məsud Xaninin açıqlaması, Həsənəli Tağızadənin iddialarına cavab kimi dəyərləndirilir. Məsud Xani qeyd edib ki, bu itkilərə və borclara görə “Tavanir” artıq yeni elektrik stansiyalarının tikintisinə investisiya yatıra bilmir.

2024-cü ilin avqustunda Həsənəli Tağızadə Tavanir-i sərt tənqid etmiş, şirkəti elektrik enerjisi istehsalı və paylanmasına diqqət yetirmək əvəzinə, brokerlik fəaliyyəti ilə məşğul olmaqda ittiham etmişdir.

O, bildirib ki, Energetika Nazirliyi hazırda özəl elektrik stansiyalarından elektrik enerjisini kilovat-saatını 1200 riala alır və sonra həmin elektrik enerjisini Enerji Birjasında 1 kilovat-saatını 18 min riala satır.

Məsud Xani bu iddialara verdiyi son cavabında Tavanir-in gəlirlərinin artdığını inkar etmədi, lakin əlavə gəlirin borcları ödəmək və keçmiş itkiləri ödəmək üçün istifadə edildiyini bildirib. Sırf bu səbəbdən yeni elektrik stansiyalarının tikintisi üçün artıq vəsait qalmayıb.

2023-cü ildə yay istehlakının pik dövründə İranın elektrik enerjisi çatışmazlığı təxminən 12.000 meqavat olub. Bu yay çatışmazlıq 20.000 meqavata yüksəldi, gələn il isə 25.000 meqavata çatacağı gözlənilir. Bu kəsiri aradan qaldırmaq üçün ən azı 20 milyard dollar investisiya lazımdır.

İranın elektrik istehlakı hər il 7% artsa da, elektrik enerjisi istehsalı son on ildə bu nisbətin yarısından az artıb. Ötən il ölkədə elektrik enerjisi istehsalı cəmi 2% artıb.

Ş.E

GUNAZ.TV

SON XƏBƏRLƏR