Contact Us

SON XƏBƏRLƏR

Türkiyə generalları Dəməşqdə səfərdədir

2025.01.30, 15:15
Türkiyə generalları Dəməşqdə səfərdədir

Türkiyə Milli Müdafiə Nazirliyinin yüksək rütbəli hərbi heyəti Dəməşqdədir.

Gunaz.tv

GünazTV xəbər verir ki, bu barədə “Yeni Şəfəq” qəzeti yazıb.

Məlumata görə, Suriyanın müdafiə naziri Murhaf Əbu Kəsra və Baş Qərargah rəisi Əli əl-Naasan ilə görüşlər keçirilib. Tərəflər regional məsələləri və Suriya ordusu ilə əməkdaşlıq istiqamətində addımları müzakirə ediblər. Bundan əlavə, Türkiyə nümayəndə heyəti Suriya ordusunun hərbi obyektlərinə baxış keçirib.

Türkiyə Milli Müdafiə Nazirliyi rəsmilərinin Dəməşqə səfəri Türkiyə ilə Suriya arasında hərbi və təhlükəsizlik əməkdaşlığı baxımından diqqətəlayiq bir inkişaf kimi qiymətləndirilir.

"Suriyanın inzibati-coğrafi bütövlüyünü, ölkəmiz və bölgəmizin sülh və əmin-amanlığını təhdid edən bütün terror təşkilatlarına qarşı qabaqlayıcı tədbirlər görməyə davam edəcəyimizi bir daha bildiririk. Bu çərçivədə nazirliyimizdən bir heyət texniki danışıqlar aparmaq üçün dünən (29 yanvar) Suriyaya səfər etdi. Türkiyə olaraq indiyə qədər etdiyimiz kimi Suriya xalqının yanında olmağa davam edəcəyik. Dünənki səfər nazirliyin Suriya ilə ilk təması baxımından əhəmiyyətlidir. Suriya və Türkiyə üçün təhlükə yaradan terror təşkilatları ilə mübarizə, müdafiə və təhlükəsizlik məsələləri müzakirə edilib." - Türkiyə Milli Müdafiə Nazirliyindən bildirilib.

 

 

Ş.E

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar