SON XƏBƏRLƏR

İran İnsan Haqları Təşkilatı altı siyasi məhbusun edam hökmünün ləğv olunmasını tələb etdi

2025.02.01, 12:29
İran İnsan Haqları Təşkilatı altı siyasi məhbusun edam hökmünün ləğv olunmasını tələb etdi

İran İnsan Haqları Təşkilatı İran İslam Respublikası həbsxanalarında saxlanılan altı siyasi məhbusun edam hökmünün ləğv olunmasını tələb edib və beynəlxalq ictimaiyyətə, eləcə də müxtəlif ölkələrə bu hökmlərin dərhal dayandırılması üçün hərəkətə keçməyə çağırıb.

Gunaz.tv

GünazTV "İran Wire"-a istinadən xəbər verir ki, bu təşkilat 30 yanvar cümə axşamı günü yaydığı hesabatında Babək Əlipur, Vahid Bəni-Amirin, Puyə Qubadi, Əbülhəsən Müntəzir, Əli Əkbər Daneşvərkar və Məhəmməd Təqəvi adlı məhbusların yaxınlarına istinad edərək, onların uzunmüddətli təkadamlıq kamerada sərt istintaqlara və işgəncələrə məruz qaldıqlarını bildirib. Məlumata görə, onlar istintaq zamanı vəkildən məhrum ediliblər və bir neçə dəfə edamla hədələniblər.

Təşkilat son günlərdə daha iki məhbusun – Bəhruz İslami və Mehdi Həsəninin edam olunma təhlükəsi ilə üzləşdiyini qeyd edərək, siyasi məhbuslara verilən edam hökmlərini sərt şəkildə pisləyib.

Bu insan haqları qurumu bir daha beynəlxalq ictimaiyyəti və İran rejimi ilə diplomatik əlaqələri olan ölkələri bu edamların qarşısını almaq üçün təcili tədbirlər görməyə çağırıb.

Tehran İnqilab Məhkəməsinin 26-cı şöbəsinin rəisi İman Əfşari, 30 noyabr 2024 tarixində Əlipur, Bəni-Amerin, Qubadi, Müntəzir, Daneşvərkar və Təqəvini “rejimə qarşı silahlı qruplaşmalara üzv olmaq” ittihamı ilə edama məhkum edib.

Ehsani və Həsəni də keçən ilin sentyabr ayında Əfşari tərəfindən edama məhkum edilib. Bu hökm 8 yanvar tarixində İran Ali Məhkəməsi tərəfindən təsdiqlənərək, Tehran Evin həbsxanasında onlara bildirilib.

Bu siyasi məhbuslar 26 yanvar tarixində Evin həbsxanasından çıxarılaraq Qızılhisar həbsxanasının 3-cü bölməsinin təhlükəsizlik bəndində təkadamlıq kameralara köçürülüblər.

İnsan haqları saytı Harana, 27 dekabr 2024-də yayımladığı hesabatda hazırda İran həbsxanalarında ən azı 54 məhbusun siyasi və ya təhlükəsizlik ittihamları ilə edam hökmü gözlədiyini açıqlayıb.

 

 

Ş.E

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar