Əl-Şara Türkiyəyə səfər edir: Gündəmdə hansı məsələlər var?

SON XƏBƏRLƏR

Əl-Şara Türkiyəyə səfər edir: Gündəmdə hansı məsələlər var?

2025.02.04, 13:11

Suriyada yeni qurulan müvəqqəti hökumətin prezidenti Əhməd əl-Şara prezident Rəcəb Tayyib Ərdoğanın dəvəti ilə bu gün Ankaraya gedir.

Gunaz.tv

Suriyanın yeni liderinin ikinci səfəri olaraq Türkiyəni seçməsinin simvolik və tarixi əhəmiyyəti vurğulanır. Əş-Şaranın səfəri barədə Türkiyə Respublikası Prezident Aparatının Kommunikasiyalar Direktoru Fahrettin Altun məlumat verib.

Ərdoğan və Əl-Şaranın Suriyadakı son hadisələri müzakirə edəcəklərini bildirən Altun, iki ölkənin iqtisadi dirçəliş, ölkədə davamlı sabitlik və təhlükəsizlik üçün atacağı ortaq addımların qiymətləndiriləcəyini qeyd edib.

Altun bildirib ki, danışıqlar zamanı Türkiyənin Suriya keçid administrasiyasına və xalqına verə biləcəyi dəstək müzakirə olunacaq.

O, Əl-Şara və onun rəhbərlik etdiyi nümayəndə heyətinin səfəri ilə Türkiyə-Suriya əlaqələrinin "gücləndiriləcəyinə və ölçü qazanacağına" inandıqlarını söylədi.

Ankarada keçiriləcək təmaslarda yeni qurulan siyasi sistemin əsas elementlərinin müzakirə ediləcəyi və Türkiyənin bu istiqamətdə verə biləcəyi dəstəyin müzakirə olunacağı gözlənilir. Suriya Əərazi bütövlüyünün və siyasi birliyinin qorunub saxlanması, unitar quruluşunun davam etdirilməsi müzakirə olunan mövzular arasında olacaq.

Əl-Şara əvvəlki açıqlamalarında yeni sistemin qurulmasının 4-5 ilə qədər çəkə biləcəyini və ölkədəki bütün müxtəlif qrupların iştirakı ilə başlanacaq siyasi prosesin əhatəli yanaşma ilə irəliləyəcəyini qeyd edib.

Siyasi proseslərə paralel inkişaf edən digər mühüm məsələ təhlükəsizlik sahəsində əməkdaşlıqdır. Türkiyə Milli Müdafiə Naziri Yaşar Gülər qeyd edib ki, Suriya tərəfinin xahişi ilə Türkiyə Silahlı Qüvvələri ölkədə yeni ordunun yaradılmasına dəstək verə bilər.

Bu istiqamətdə ilk addımı yanvarın sonunda Türkiyədən Suriyaya gedən yüksək səviyyəli hərbi heyət atıb. Əl-Şaranın Ərdoğanla danışıqları zamanı bu məsələnin müzakirə ediləcəyi gözlənilir.

Ş.E

GUNAZ.TV

SON XƏBƏRLƏR