SON XƏBƏRLƏR

İrana casusluq edən keçmiş əsgərə 14 il həbs cəzası verildi

2025.02.04, 14:40
İrana casusluq edən keçmiş əsgərə 14 il həbs cəzası verildi

Keçmiş hərbçi Daniel Xalife İranın xeyrinə casusluq etdiyinə və həbsdən qaçdığına görə 14 ildən artıq həbs cəzasına məhkum edilib.

Gunaz.tv

2023-cü ilin sentyabrında 23 yaşlı Xalife, yemək daşıyan yük maşınının altında gizlənərək cəzaçəkmə müəssisəsindən qaçmış və yüksək profilli axtarışa səbəb olmuşdur. Həmin vaxt o, casusluq ittihamı ilə həbsdə idi.

Keçən noyabrda "Woolwich Crown" məhkəməsindəki münsiflər heyəti onu orduda xidmət edərkən İrana məlumat ötürməklə Rəsmi Sirrlər Aktı və Terrorizm Aktını pozmaqda təqsirli bilib. Məhkəməsi zamanı o, həbsxanadan qaçdığını da etiraf etdi. Bazar ertəsi xanım hakim Çima-Qrubb onu "Woolwich Crown" məhkəməsində 14 il üç ay müddətinə azadlıqdan məhrum etdi.

Cəzanın hər biri “Rəsmi sirlər haqqında” qanunu və terrorizm qanununu pozduğuna görə altı il, həbsdən qaçmağa görə isə daha iki il üç ay idi. Hakim bildirib ki, hökmlər ardıcıl olaraq davam edəcək. 

Xanım hakim hökmlə bağlı çıxışında bildirdi ki: “Verilmiş cəzanın əsas məqsədi başqalarını oxşar davranışlardan çəkindirməkdir”. Hakim bildirib ki, Xalife "özünü göstərmək üçün eqoist hisslər"lə hərəkət edib.

Hakim xanım əlavə etdi ki, Xalife həssas hərbi məlumatları toplayaraq və onları nağd pul qarşılığında İran agentlərinə ötürməklə hərbi personalı ciddi zərərə məruz qoymuşdu.

 

 

Ş.E

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar