Contact Us

SON XƏBƏRLƏR

Mədəni aktivist Əlirza Fərşi məhkəmə çağırışı aldı

2025.02.05, 18:41
Mədəni aktivist Əlirza Fərşi məhkəmə çağırışı aldı

Azərbaycan Milli Hərəkatının fəalı Əlirza Fərşi, 5 fevral 2025-ci il tarixində şəxsi İnstagram səhifəsində, sonuncu işinin məhkəmə qərarını paylaşaraq, son baş verən hüquqi məsələləri açıqladı. O, Bahəristan şəhəri Baş Prokurorluğu birinci müstəntiqi tərəfindən qəbul edilmiş çağırış qərarını nəşr etdi.

Gunaz.tv

Bahəristan şəhəri Baş Prokurorluğu tərəfindən verilmiş qərarda belə qeyd olunub:

"Əlirza Fərşi Dizcikan (Bəhmən oğlu), indiki vaxtda azadlıqda olan, İslam Respublikasına qarşı təbliğat aparmaqla bağlı ittiham olunur. Bağərstan rayonunun Kəşfiyyat İdarəsinin hesabatı əsasında, məhkəmə araşdırması başlayıb. Təqsirinin sübuta yetirildiyi bildirilir, və buna əsasən, cinayət işinin davam etdirilməsi qərarı verilib."

Əlirza Fərşi İnstagram səhifəsində yazdığı bir şərhində isə belə deyib:

"Bir ildən artıqdır ki, mən Marənd şəhərində yaşadığımı bildirirəm və Cinayət Prosessual Qanunu nəzərə alaraq, əgər mənə qarşı ittiham varsa belə, Bağərstan şəhərində və mənim heç bir əlaqəm olmayan bu ərazidə bu ittihama baxmaq hüququnuz yoxdur. 2019-cu ildən bəri oraya heç bir səlahiyyətli şəkildə getmədim, amma hələ də 700 km-dən çox məsafədə olan bir şəhərdə mühakimə ediləcəyəm."

Əlirza Fərşi 19 fevral 2023-cü il tarixində, 4 il həbs cəzasının 3 il 3 ayını çəkdikdən sonra Evin həbsxanasından azad edilib.

Həmçinin, bu Azərbaycanlı fəal 13 iyun 2024-cü il tarixində, 2 illik məcburi məskunlaşma hökmü ilə bağlı yazmış və bildirib ki, bu hökmə tabe olmamış, Xuzistanın Bağmələk şəhərinə qayıtmayacaq.

Əlirza Fərşi, 1978-ci il təvəllüdlüdür, Şərif və Tehran Sənaye Universitetlərindən proqramlaşdırma üzrə təhsil almış, Cəlfa Beynəlxalq Universitetindən xaric edilmiş professor, hər Türk kəndi üçün bir Türk kitabxanası kampaniyasının qurucusu, Milli İntellektual Fondun üzvü, şəhid komandirinin övladı və Marəndin doğma şəhərindən olan məşhur vətəndaş aktivistlərindəndir.

 

E. Y

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar