Contact Us

SON XƏBƏRLƏR

Qacar sülaləsinin davamçısı İsmaili şiələrinin yeni lideri seçildi

2025.02.07, 14:46
Qacar sülaləsinin davamçısı İsmaili şiələrinin yeni lideri seçildi

İslam dininin təriqətlərindən olan və İranda fəaliyyətinə qadağa qoyulan İsmaili şiələrinin 49-cu imamı Kərim Ağa Xan Qacarın ölümündən sonra, onun oğlu Rəhim Ağa Xan Qacar İsmaili şiələrinin 50-ci rəhbəri seçilib.

Gunaz.tv

Bu barədə Qacar ​​Assosiasiyası məlumat yayıb.

Onun rəhbər seçilməsindən sonra dünyanın tanınmış şəxsləri, hökumət başçıları və siyasətçiləri ona təbrik məkrubları ünvanlayıblar.

Rəhim Ağa Xan Qacar, Fətəli şah Qacarın nəvələrindən olduğuna görə, Qərbdə ona "Şahzadə" deyə xitab edirlər.

Qeyd edək ki, tanınmış xeyriyyəçi, dünyanın ən sərvətli şəxslərindən biri olan İsmaili şiələrinin 49-cu imamı Kərim Ağa Xan Qacar, fevralın 5-də Portaqaliyanın paytaxtı Lissabonda 88 yaşında vəfat edib.

Sərvətinin 13 milyard dollar civarında olduğu deyilən Ağa Xan ən zəngin müsəlman kapitalistlərindən biridir. Onun iki şəxsi təyyarəsi, yüzlərlə yarış atları, bir sıra damazlıq təsərrüfatları, Sardiniya adasında eksklüziv yelkənli yaxta klubu və Paris yaxınlığındakı dəbdəbəli mülkü var.

İngiltərə və Portaqaliya vətəndaşı olan dini şəxsiyyət Britaniya Kral ailəsi ilə də yaxın əlaqədə olduğuna, bu ailə ilə üzvü ilə evləndiyinə görə, Kralıça II.Elizabet tərəfindən "Əlahəzrət" ləqəbi alıb.

Miliyyətcə türk olan Kərim Ağa Xan, Fətəli şah Qacarın nəvələrindən olduğuna görə, bir çox sənədlərdə və müraciətlərdə ona "şahzadə" deyilir.

O, dünyanın bir çox nüfuzlu siyasətçiləri, məşhur iş adamları və dövlət başçıları, ilə yaxın dost olub.   

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar