Lavrov: Rusiya Ukrayna üzrə danışıqlara hazırdır.

SON XƏBƏRLƏR

Lavrov: Rusiya Ukrayna üzrə danışıqlara hazırdır.

2025.02.11, 11:43

Lavrov Rusiyanın Ukrayna ilə bağlı danışıqlara hazır olduğunu bəyan edib

Gunaz.tv

GünazTV "Report"-a istinadən xəbər verir ki, verir ki, bunu Rusiyanın xarici işlər naziri Sergey Lavrov Diplomatlar Gününə həsr olunmuş iclasda çıxışı zamanı bildirilib.

"Prezident Vladimir Putinin dəfələrlə bu barədə dediyi kimi, Rusiya danışıqlara hazırdır. Danışıqlar zamanı bizim qanuni milli maraqlarımız təmin edilməlidir. Bu maraqlar başqalarının maraqları bahasına deyil, heç kimin zərər görməyəcəyi hərtərəfli təhlükəsizlik sistemi haqqında saziş kontekstində təmin olunmalıdır", - Lavrov söyləyib.

Diplomatın fikrincə, yalnız münaqişənin köklü səbəblərinin tam şəkildə aradan qaldırılması onun sona çatmasına yol aça bilər.

Xatırladaq ki, Ukrayna Prezidenti Volodimir Zelenski Böyük Britaniyanın ITV News telekanalına müsahibəsində müharibənin 2025-ci ildə başa çatması üçün lazım olan şərtləri açıqlamışdı. Zelenski bildirib ki, ədalətli sülh planı beynəlxalq hüquqa əsaslanmalı və Ukraynanın maraqları nəzərə almalıdır, yalnız üçüncü ölkələr üçün faydalı olmamalıdır.

Ş.E

GUNAZ.TV

SON XƏBƏRLƏR