Contact Us

SON XƏBƏRLƏR

Financial Times: Rusiyanın hərbi xərcləri bütün Avropanı üstələyir

2025.02.13, 12:52
Financial Times: Rusiyanın hərbi xərcləri bütün Avropanı üstələyir

Araşdırmaya görə, Rusiyada hərbi xərclər Avropanın bütün müdafiə büdcələrini üstələyir.

Gunaz.tv

Rusiyanın ümumi müdafiə xərcləri keçən il real ifadədə 42 faiz artaraq 13,1 trilyon rubla çatıb. Bu da 462 milyard dollara bərabərdir.

Müqaisə üçün deyək ki, Beynəlxalq Strateji Araşdırmalar İnstitutunun analitik mərkəzi bildirib ki, Böyük Britaniya və Avropa İttifaqına üzv dövlətlərin ümumi müdafiə büdcəsi keçən il, 12% artaraq, 457 milyard dollara bərabər olub.

Qeyd edək ki, Amerika başqanı Donald Tramp bildirib ki, Avropa dövlətləri ÜDM-nin 5 faizini müdafiəyə xərcləməlidir, halbuki indiki orta hesabla təxminən 1,7 faizdir. NATO-nun baş katibi Mark Rutte isə Avropa dövlətlərinin müdafiə xərclərini 3faiz həcminə qaldırmalı olduğunu deyib.

Beynəlxalq Strateji Araşdırmalar İnstitutunun proqnozuna görə, bu il Rusiyanın ümumi müdafiə xərcləri, o cümlədən regional hakimiyyət orqanları və şirkətlər tərəfindən könüllü ödənişlər də daxil olmaqla, 13,7 faiz artaraq 15,6 trilyon rubla çatacaq ki, bu da ÜDM-in 7,5 faizinə və ya Rusiya federal xərclərinin təxminən 40 faizinə bərabərdir.

Əgər Avropa müdafiə xərclərini ÜDM-nin 3 faizinə qədər artırsa, bu, əlavə 250 milyard dollara bərabər olacaq. Əgər xərclər ÜDM-nin 5 faizinə qalxsa, müdafiə xərcləri təxminən 800 milyard dollar artacaq ki, bu da Rusiyanın hazırkı xərcləri səviyyəsindən təxminən iki dəfə çoxdur.

Avropanın ən çox müdafiə xərcləri olan ölkələri arasında Rusiya ilə həmsərhəd olan Estoniya keçən il ÜDM-nin demək olar ki, 4 faizini müdafiəyə xərcləyib, Polşa isə 3,25 faizlə Avropanın ikinci ən yüksək müdafiə xərcləri olan ölkəsi olub.

 

- Cəfər Cəfərli

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar