Suriya hökumətindən PKK-ya veto!

SON XƏBƏRLƏR

Suriya hökumətindən PKK-ya veto!

2025.02.17, 12:47

Suriya Milli Dialoq Konfransına Hazırlıq Komitəsinin sözçüsü Həsən Dığaym terror təşkilatı PKK/YPG-nin və onların uzantılarının Suriya Milli Dialoq Konfransına daxil edilməyəcəyini açıqlayıb.

Gunaz.tv

GünazTV Türkiyə mediasına istinadən xəbər verir ki, Suriya Milli Dialoq Konfransına Hazırlıq Komitəsinin sözçüsü Həsən Dığaym terror təşkilatı PKK/YPG-nin SDF və ya PYD adı ilə konfrans prosesinə daxil edilməyəcəyini, terror təşkilatın sözdə siyasi qanadı PYD-nin də ləğv edilməsi lazım olduğunu bildirib.

Suriya prezidenti Əhməd Şəraanın qərarı ilə yaradılan Milli Dialoq Konfransına Hazırlıq Komitəsinin sözçüsü Dığaym Anadolu Agentliyinin müxbirinə komitənin iş gündəliyi, konfransa dəvət olunacaqların meyarları, təqvim və iştirakçıların sayı ilə bağlı məlumatları paylaşıb.

Dığaym Suriyadakı hərbi qruplaşmaların və onların separatçı strukturlarla əlaqəsi olan siyasi qanadlarının, devrilmiş Bəşər Əsəd rejiminin qırğınlarını dəstəkləyənlərin, soyqırımı müdafiə edənlərin və rejimin cinayətlərinə bəraət qazandıranların konfransa dəvət edilməyəcəyini bildirib.

Konfransın gündəminin xalqın tələbləri istiqamətində formalaşacağını açıqlayan Dığaym bildirdi ki, "Görüşlər interaktiv olacaq. Suriyanın birliyi və təhlükəsizliyi, yeni konstitusiya araşdırmaları, keçid dövrünün ədalət mexanizmləri, hərbi cinayətkarların mühakiməsi, iqtisadi islahatlar və xalqın rifahı kimi mövzular müzakirə ediləcək".

Hazırlıq Komitəsinin müxtəlif vilayətlərə səfər edərək ictimaiyyətlə birbaşa təmas quracağını bildirən Dığeym, universitetlərdə, bələdiyyə və əyalət idarələrində, qeyri-hökumət təşkilatlarında görüşlərin olacağını elan etdi.

Suriyalıların 1950-ci ildən bəri dialoq mühiti tapa bilmədiklərini və indi bunu reallaşdırmaq fürsəti əldə etdiklərini ifadə edən Dığeym əlavə etdi ki, "Sadəcə bu dialoqun reallaşması, nəticələrindən asılı olmayaraq arzularının gerçəkləşməsi deməkdir".

Şahin Elxanoğlu

GUNAZ.TV

SON XƏBƏRLƏR