Türkiyə Qəzeti: Sülh masası Ankarada qurulacaq

SON XƏBƏRLƏR

Türkiyə Qəzeti: Sülh masası Ankarada qurulacaq

2025.02.18, 14:29

Türkiyə Xarici İşlər naziri Hakan Fidan üç ilə yaxındır davam edən Rusiya-Ukrayna müharibəsinə son qoymaq üçün intensiv diplomatiya siyasəti yürüdür.

Gunaz.tv

GünazTV xəbər verir ki, bu barədə Türkiyənin “Türkiye Gazetesi” özəl mənbələrə istinadla məlumat yayıb.

Məlumata görə, Amerika Prezidenti Donald Trampın Rusiya və Ukrayna arasındakı savaşa son qoymaq yanaşması Avropa və Ukraynadan olan rəsmilərdə “kənara atıldıqları” hissini yaradıb. Nəşr yazır ki, belə bir vəziyyətdə rəsmi Ankara sülh masasının Türkiyədə qurulması təklifini irəli sürüb.

Bildirilir ki, bu istiqamətdə Hakan Fidan son iki ay ərzində Rusiyanın xarici işlər naziri Sergey Lavrov ilə dörd dəfə telefon danışığı aparıb. ABŞ-nin yeni dövlət katibi Marko Rubio ilə isə vəzifəyə başlamasından iki gün sonra Münhen Təhlükəsizlik Konfransında bira araya gəlib. Görüş zamanı Ukrayna-Rusiya müharibəsi ilə bağlı məsələlər müzakirə edilib və iki ölkə arasında sülhün bərqərar olmasının mümkünlüyü ilə bağlı müzakirələr aparılıb.

“Münhendə Trampın Ukrayna və Rusiya üzrə xüsusi nümayəndəsi Keyt Kelloq, Ukrayna Prezident Aparatının rəhbəri Andrey Yermak və Ukrayna müdafiə naziri Rustem Umarov, eləcə də Rubio ilə görüşən Fidan Türkiyənin də prosesin bir parçası olması lazım olduğuna dair qiymətləndirmələr edib. Ankaranın atəşkəs və ya sülh danışıqlarına ev sahibliyi edə biləcəyi məsələsi də gündəmə gətirilib. Ankaranın hər iki ölkə ilə sıx əlaqələri olduğunu və bir çox digər aktyorlardan daha çox töhfə verə biləcəyini ifadə edilib”,-deyə məlumatda bildirilir.

Xatırladaq ki, Ukrayna Prezidenti Volodimir Zelenski Səudiyyə Ərəbistanına səfərindən sonra Türkiyəyə gəlib. Zelenski bu gün həmkarı Rəcəb Tayyib Ərdoğanla görüşəcək.

Ş.E

GUNAZ.TV

SON XƏBƏRLƏR