Contact Us

SON XƏBƏRLƏR

Lavrov Ər-Riyadda Amerika nümayəndə heyəti ilə görüşün detallarını açıqlayıb

2025.02.19, 15:35
Lavrov Ər-Riyadda Amerika nümayəndə heyəti ilə görüşün detallarını açıqlayıb

Rusiya xarici işlər naziri Sergey Lavrov Dövlət Dumasında keçirilən “Hökumət saatı”nda çıxış edərək Ər-Riyadda Amerika nümayəndə heyəti ilə görüşün detallarını açıqlayıb.

Gunaz.tv

 Lavrov Rusiya ilə Amerika arasında münasibətlərin normallaşması istiqamətində hərəkətin başladığını bildirib.

Onun sözlərinə görə, ticarət və siyasətdə tərəfdaşlıq qurmaqdan ötrü şərait yaratmaq üçün "Bayden irsini təmizləmək" lazımdır: “Moskvanın Vaşinqtonla əlaqələrin bərpası üçün şərait yaratmaq istəyi var. Rusiya ümid edir ki, təhlükəsizlik və strateji sabitlik üzrə danışıqlar üçün şərait yaranacaq. Moskva və Vaşinqton perspektivli iqtisadi layihələrin qarşısında duran maneələrin aradan qaldırılmasında maraqlı olduqlarını bildirdilər”.

Lavrov vurğulayıb ki, Moskva və Vaşinqtonun milli maraqları heç vaxt tam üst-üstə düşməyəcək, lakin hər iki tərəf qarşılıqlı əməkdaşlıqdan faydalanmalıdır. “Milli maraqlardakı fərqlər qarşıdurmaya səbəb olmamalıdır. Biz Bayden administrasiyasının münasibətlərimizi apardığı uçurumun astanasından uzaqlaşmağa başlamışıq, lakin bunlar yalnız ilk addımlardır. Atmosfer müsbətdir, niyyətlər düzgündür, vəziyyətin bundan sonra necə inkişaf edəcəyini və hansı addımların atılacağını görəcəyik".

Rusiya XİN başçısı Ər-Riyadakı danışıqlarda Ukrayna mövzusuna xüsusi diqqət ayrıldığını söyləyib. Onun sözlərinə görə, görüşdə Moskva Vaşinqtonu Ukrayna böhranının əsas səbəblərini aradan qaldırmağa çağırıb.

“Kiyevi NATO-ya cəlb etməklə uzun illər Rusiyanın təhlükəsizliyi üçün yaradılmış təhdidləri nəzərə almaq lazımdır. Amerika prezidenti Donald Tramp bu mövqeyi anlayır. Ukraynada Rusiya ilə əlaqəli hər şeyin məhv edilməsini, rus mədəniyyətinə və Rus Pravoslav Kilsəsinə qarşı təqibləri dayandırmaq lazımdır”, - Lavrov Moskvanı narahat edən məsələlərin Amerika tərəfinin diqqətinə çatdırıldığını söyləyib.

 

C

Açar Sözlər :

SEÇİLMİŞ XƏBƏRLƏR

Çox oxunanlar