Şahdan Xameneiyə; bu dəfə də ilan halqaya aldı

SON XƏBƏRLƏR

Şahdan Xameneiyə; bu dəfə də ilan halqaya aldı

2026.01.18, 17:29

Gunaz.tv

37 il şah üçün kifayət idi, Xamenei üçün də kifayətdir. İran tarixi bir daha xatırladır ki, diktaturalar qaçılmaz olaraq süquta məhkumdur: adlar dəyişir, amma xalqın hayqırtısı eyni qalır – zülmkara ölüm, istər şah olsun, istərsə də “rəhbər”.

Ümumölkə etirazlarının genişləndiyi bir vaxtda, tarixi bir karikaturanın yenidən işlənməsi sənət, tarix və siyasət arasındakı əlaqəni yenidən gündəmə gətirib. Yeni əsər 1978-ci ildə İran şahı barədə çəkilmiş məşhur karikaturaya açıq istinad edir; həmin rəsmdə şah, öz dayaqlandığı “hakimiyyət ilanı” tərəfindən boğularkən təsvir olunurdu.

Yeni versiyada isə oxşar səhnə bu dəfə Əli Xamenei ilə bağlı təqdim edilir. Fərq ondadır ki, burada ilan rəsmi hakimiyyət simvollarından deyil, gənc bir qızın saçından başlayır və Xameneinin ətrafında halqaya alınır. Bu detal, gənc nəslin etiraz və müqavimətin mərkəzinə çevrildiyini simvolizə edir.

Tarixi paralel diqqət çəkicidir: şah 37 il hakimiyyətdə qaldı, Xamenei də artıq 37 ildir ölkənin taleyinə hökm edir. Hər iki dövr ümumxalq etirazlarının astanasında eyni mesajla üzləşdi: süqut kənardan deyil, məhz daxildən – illərlə görməzdən gəlinən gücdən başlayır.

Bu karikatura sadəcə sənət nümunəsi deyil, tarixi bir anın vizual salnaməsidir; gücün silah və repressiya ilə deyil, gənc nəslin iradəsi ilə sarsıdıldığı bir məqamın təsviri.

GünazTV

GUNAZ.TV

SON XƏBƏRLƏR