Əli Xamenei yenidən yeraltı sığınacağa çəkildi

SON XƏBƏRLƏR

Əli Xamenei yenidən yeraltı sığınacağa çəkildi

2026.01.24, 23:47

Gunaz.tv

Sosial şəbəkələrdə yayılan məlumatlara görə, ABŞ tərəfindən mümkün hərbi əməliyyat ehtimalının artması ilə bağlı İranın ali hərbi və təhlükəsizlik dairələrinin qiymətləndirmələrindən sonra Əli Xamenei Tehranda yerləşən yüksək mühafizəli, yeraltı sığınacaqda yerləşdirilib. Bildirilir ki, sözügedən obyekt bir-biri ilə əlaqəli tunellərdən və xüsusi qorunan infrastrukturlardan ibarətdir.

Məlumatlara əsasən, Xameneinin gündəlik icra proseslərindən kənarda qalması fonunda oğlu Məsud Xamenei cari kargüzarlıq işlərini icra edir, digər oğlu Müctəba Xamenei isə rejimin ali rəsmiləri ilə əlaqələndirmə rolunu üzərinə götürüb.

Qeyd olunur ki, Xameneinin yeraltı sığınacaqlara köçürülməsi ilk dəfə baş vermir. Mənbələrin bildirdiyinə görə, əvvəlki illərdə İsraillə gərginlik dövrlərində də o, təhlükəsizlik səbəbilə oxşar gizli obyektlərə yerləşdirilmişdi.

GünazTV

GUNAZ.TV

SON XƏBƏRLƏR