Contact Us

SON XƏBƏRLƏR

İran Cenevrə danışıqlarını “müsbət” adlandırdı; ABŞ eyni vaxtda 50 qırıcı təyyarə göndərdi

2026.02.17, 22:46
İran Cenevrə danışıqlarını “müsbət” adlandırdı; ABŞ eyni vaxtda 50 qırıcı təyyarə göndərdi

Gunaz.tv

Cenevrədə İran və ABŞ arasında keçirilən növbəti dolayı danışıqlardan sonra Tehran prosesi “irəliləyişli” və “müsbət” kimi qiymətləndirsə də, Vaşinqton hələlik yekun razılaşma ilə bağlı rəsmi və açıq bəyanat verməyib və təzyiq siyasətinin davam etdiyini vurğulayıb.

CNN, The New York Times və Reuters-in yaydığı məlumata görə, Cenevrədə təxminən 4 saat davam edən görüşlərdə İran nümayəndə heyətinə Abbas Araghchi rəhbərlik edib. ABŞ tərəfi isə Donald Trump administrasiyasının nümayəndələri ilə təmsil olunub.

İran tərəfi mümkün razılaşma üçün “əsas prinsiplər” üzərində anlaşma əldə olunduğunu və mətn hazırlığına başlanacağını bildirsə də, ABŞ rəsmiləri əsas fikir ayrılıqlarının qalmaqda davam etdiyini və Tehrandan daha detallı təkliflər gözlədiklərini açıqlayıblar.

Danışıqlarla paralel olaraq ABŞ-ın bölgədə hərbi mövcudluğunu artırdığı bildirilir. Açıq mənbəli uçuş izləmə məlumatlarına əsasən, son 24 saatda F-35, F-22 və F-16 tipli 50-dən çox qırıcı təyyarə Yaxın Şərqə köçürülüb, həmçinin daha bir aviadaşıyıcı zərbə qrupu regiona göndərilib.

Tehranın danışıqları “müsbət” qiymətləndirməsi ilə eyni vaxtda Vaşinqtonun hərbi gücü artırması, prosesin real nəticələri ilə bağlı sualları daha da gücləndirib.

 

GünAzTV

R.G

Açar Sözlər :

SEÇİLMİŞ XƏBƏRLƏR

Çox oxunanlar