ABŞ-İsrail-İran qarşıdurması ilə bağlı günün birinci yarısının icmalı

SON XƏBƏRLƏR

ABŞ-İsrail-İran qarşıdurması ilə bağlı günün birinci yarısının icmalı

2026.03.03, 13:43

ABŞ-İsrail-İran arasında gərginliklə bağlı günün birinci yarısının yenilənmələri:

Gunaz.tv

Kirman əyalətində hərbi bazaya ABŞ-İsrail zərbəsindən 13 iranlı əsgər öldürülüb. Xəbəri İran ordusu yayıb.
Hücumda ölkənin cənubunda bazanın hədəf alındığı bildirilir.

Birləşmiş Ərəb Əmirliklərinin Füceyrə Neft Sənaye Zonasına dron hücumu olub.

Rəsmilər bildiriblər ki, hava hücumundan müdafiə sistemləri tərəfindən vurulan dronun qalıqları əraziyə düşdükdən sonra yanğın baş verib. Hadisə nəticəsində xəsarət alan olmayıb.

Donald Tramp Böyük Britaniyanın baş naziri Starmeri İran müharibəsinə qoşulmamaqda tənqid edib.

ABŞ prezidenti Vaşinqtonun İrana qarşı müharibəsinə dəstək vermədiyi üçün Starmeri sərt şəkildə tənqid edib və “xüsusi münasibətlərin” zərbə altında olduğunu deyib. Tramp bildirib ki, “O, faydalı olmayıb... Böyük Britaniyadan bunu gözləməzdim” və iki ölkə arasındakı münasibətlərin artıq “tamamilə fərqli” olduğunu vurğulayıb.

ABŞ Mərkəzi Komandanlığı (CENTCOM) İranın Oman körfəzindəki 11 gəmisinin məhv edildiyini bildirir.
“İki gün öncə İran rejiminin Oman Körfəzində 11 gəmisi var idi, bu gün HEÇ BİRİ qalmayıb”

İsrail ordusu Livanın cənubunda əməliyyatlara başlayıb. İsrail ordusu “müdafiəni gücləndirmək üçün” Livanın cənbunda quru əməliyyatlarına başladığını bildirib. SAXAL bu addımın “Nərildəyən Şir Əməliyyatının” bir hissəsi olduğunu açıqlayıb.

Ötən gecədən başlayaraq, İranın bir neçə şəhərində hərbi obyektlər, kazarmalar, polis mərkəzləri, hökumət binaları və Hava Hücumundan Müdafiə Sistemlərinə zərbələr endirilib.

Güney Azərbaycanın Soyuqbulaq, Xana (Piranşəhr), Urmu, Qoşaçay şəhərlərində də fərmandarlıq binası, polis məntəqələri, hərbi mərkəzlər və kazarmalar bombalanıb.

Hələlik insan tələfatı barədə dəqiq məlumat əldə etmək mümkün olmayıb.

GünazTV

GUNAZ.TV

SON XƏBƏRLƏR