Contact Us

SON XƏBƏRLƏR

Vaşinqton Tehranla gizli danışır?

2026.03.05, 00:29
Vaşinqton Tehranla gizli danışır?

İran mesaj göndərdi, ABŞ cavab vermədi. “artıq çox gecdir”

Gunaz.tv

İsrailin Baş naziri Benyamin Netanyahu ABŞ administrasiyasının İranla mümkün gizli təmasları barədə Ağ Evdən izahat istəyib.

Gunaz.tv xəbər verir ki, “Axios” nəşri iki məlumatlı mənbəyə istinadən bildirib ki, Netanyahu həftənin əvvəlində İsrail kəşfiyyat orqanlarından aldığı məlumatlardan sonra Ağ Evlə əlaqə saxlayaraq Donald Tramp administrasiyasının İranla gizli danışıqlar aparıb-aparmadığı barədə sorğu ünvanlayıb.

Məlumata görə, İsrail kəşfiyyatı Tehran və Vaşinqton arasında atəşkəslə bağlı müəyyən mesaj mübadiləsinin baş verməsi ehtimalı barədə siqnallar əldə edib. Netanyahu bazar ertəsi birbaşa Ağ Ev rəsmilərinə müraciət edərək belə təmasların olub-olmadığını soruşub.

Mənbələrdən birinin sözlərinə görə, Ağ Ev Netanyahuya Tramp administrasiyasının “İsrailin arxasınca” İranla danışmadığını bildirib.

ABŞ rəsmisi qeyd edib ki, xüsusi nümayəndə Stiv Uitkoff və prezidentin müşaviri Cerad Kuşner demək olar ki, hər gün Netanyahu, “Mossad”ın direktoru David Barnea və digər israilli rəsmilərlə əlaqə saxlayır və son bir ayda koordinasiya olduqca sıx olub. Həmin rəsmi vurğulayıb ki, İsrail tərəfi Vaşinqtonun Tehranla danışıqlar aparmadığını bilir.

İsrailin Vaşinqtondakı səfirliyi məsələ ilə bağlı şərh verməkdən imtina edib. Ağ Ev isə əlavə sorğuya cavab verməyib.

“Axios”un yazdığına görə, son günlər İran tərəfi Körfəz ölkələri və regiondakı digər dövlətlər vasitəsilə ABŞ administrasiyasına mesajlar göndərib, lakin Vaşinqton bu mesajlara cavab verməyib. ABŞ rəsmisi həmin mesajları “cəfəngiyat” kimi qiymətləndirib.

“The New York Times” qəzeti isə bildirib ki, İranın Kəşfiyyat Nazirliyinə bağlı şəxslər üçüncü ölkənin xüsusi xidmət orqanı vasitəsilə dolayı yolla Mərkəzi Kəşfiyyat İdarəsi ilə əlaqə yaradaraq münaqişənin dayandırılması şərtlərini müzakirə etməyi təklif ediblər.

ABŞ rəsmisi jurnalistlər üçün keçirdiyi brifinqdə vurğulayıb ki, müharibə başladıqdan sonra nə Stiv Uitkoff, nə də Cerad Kuşner Əli Laricani, Abbas Əraqçi və ya digər İran rəsmiləri ilə hər hansı danışıq aparıb.

Donald Tramp da açıqlamasında İranla heç bir danışıqların getmədiyini bəyan edib və iddia edib ki, İranın hava hücumundan müdafiə sistemi, hava qüvvələri, dəniz qüvvələri və rəhbərlik strukturu sıradan çıxarılıb. Onun sözlərinə görə, Tehranın danışıqlar istəyi “artıq çox gecdir”

.

GünAzTV
R.G

Açar Sözlər :

SEÇİLMİŞ XƏBƏRLƏR

Çox oxunanlar