Contact Us

SON XƏBƏRLƏR

ŞEİR: Sən Azərbaycan söylə... - İsmayil Cəmili

2021.10.20, 07:36
ŞEİR: Sən Azərbaycan söylə... - İsmayil Cəmili

Gunaz.tv

GünAz TV mətbuat mərkəzi oxucularımız üçün tanış olan dəyərli şairimiz İsmayil Cəmilidən daha bir şeir təqdim edir.

 

Sən Azərbaycan söylə nəçün azər be can oldun?

Unutdun öz dərin dərdin, yadın dərdin alan oldun

Çətin günlərdə İranın bəlasında yanan oldun

Verib evladıvı qurban,  özün yalqız qalan oldun.

Yaşıl yurdum, bahar ikən nədən soldun xəzan oldun

 

Keçən yüz-ildə yüzlər yol döyüşdün min yara gördün

Dayandın, sınmadın dözdün, vəfa etdin cəfa gördün

Kimin çəkdin bəlasın sən həman yerdən bəla gördün

Soyuldun, pay-bölüş oldun yad əllərlə talan oldun

Sən Azərbaycan söylə nəçün azər be can oldun

 

Döyüşdün, düşmənə qalib gəlib meşrutəni aldın

Qız-oğlan qəhrəmanlarla adın dildən-dilə saldın

Sonunda yadlara uydun, əli boş çarəsiz qaldın

Bütün İranə baş oldun özun başsız qalan oldun

Sən Azərbaycan söylə nəçün azər be can oldun

 

İyit Səttarıvın qebri əyaq altinda qürbətdə

Adı “Sərdari Milli” dir vəli bosh sözdə-söhbətdə

Vətən qoynunda yatsaydı yaşardı oci-izzətdə

İnandın fitnəkar yadi özün qəbrin qazan oldun

Sən Azərbaycan söylə nəçün azər be can oldun

 

Edibdir pay-bölüş mərkəz sənin payın olubdur çul

Min illər şah olsanda, dilin bağlı olubsan qul

Nəyin yoxdur, deyim yoxdur, qoy olsun ellərin yoxsul!

Doyurdun özgələr qarnın evində ac-qalan oldun!

Sən Azərbaycan söylə nəçün azər be can oldun

 

Sən öz fikrinde olsaydın, bu gün bu gündə olmazdın

Vəfasız yadlara xatir, özün min dərdə salmazdın

Kəvirin kəndlərin abad, sən viranə qalmazdın

Gələndə hər cəfa tiri birinci sən nişan oldun

Sən Azərbaycan söylə nəçün azər be can oldun

 

Qazanxanlar sərayidin qoca şərqin çırağı idin

Nizamilər, Fizulilər hünər-elmin çırağı idin

Təməddünlə tərəqqilə birinci sən əyaq idin

Yada verdin kəhər atın, özün axsar-çapan oldun!

Sən Azərbaycan söylə nəçün azər be can oldun

 

Güvən evladına ancaq, özün qıl dərdinə çarə

Könül vermə şəkər dilli, hər an oynaşlı dildarə

Fırıldaqdır desə hər nə  burax getsin üzü qarə

Canın qoydun sözün üstə bu yolda imtahan oldun

Sən Azərbaycan söylə nəçün azər be can oldun

 

Pərişan sevgili yurdum sənə qurban sevən canım

Tükənməz varlığım sənsən sən ile var adım-sanım

Özün çün bir özün göstər, dirilsin şöhrətim-şanım

Gələr azadlığın ətri o gün ki, sən əyan oldun

Sən Azərbaycan birdə bu xeyr işdə güman oldun

 

İsmayil Cəmili - Azərbaycan poeması

 

N.S

SEÇİLMİŞ XƏBƏRLƏR

Çox oxunanlar