GünAz TV mətbuat mərkəzinin növbəti müsahibi, “Müasir İnkişaf” İctimai Birliyinin İdarə Heyətinin sədri Mübariz Göyüşlüdür.

- Mübariz bəy, ilk öncə sualımıza ondan başlayaq ki, sizin də yaxından tanıdığınız professor Quram Marixuliya Azərbaycan üçün kimdir?

- Gürcüstanın ən vicdanlı tarixçilərindən saya biləcəyimiz Quram Marixulya öz ölkəsi ilə yanaşı, Azərbaycan üçün də çox iş görmüş və görməkdə davam edən bir şəxsdir. Bizim onunla tanışlığımız o qədər də uzun tarixə və müntəzəm görüşlərə, əlaqələrə dayanmır. Amma ilk tanışlıqdan və ünsiyyətdən sonra onun Azərbaycan üçün nə qədər əhəmiyyətli bir şəxsiyyət olduğu aydınlaşır. Ötən ilin aprel ayında təşkilatımız gürcü alimlərinin iştirakı ilə Bakıda “Qafqaz Evi və ermənilər” adlı beynəlxalq konfrans keçirdi. Həmin konfransa ilk çağrışdaca təşrif buyuran Quram bəy özü ilə birlikdə daha iki nəfər professorun da iştirakına nail olmuşdu. Səfər boyu, konfransda etdiyi çıxışda, mətbuata verdiyi müsahibdə, bizimlə müzakirələrdə onun Azərbaycanla bağlı, o cümlədən hər iki xalqın dostluğu ilə bağlı, erməni vəhşiliyinin ifşası istiqamətində gördüyü işlərlə tanış ola bildik. Dayanmadan ermənilərin həm azərbaycanlı türklərə, həm də gürcülərə qarşı törətdiyi zorakılığı təbliğ edən professor ermənilərin nifrətini, qəzəbli münasibətini qazanırdı.

- Onun Suxumi Universitetindən uzaqlaşdırılması gördüyü işlərlə bağlı olarmı? Konkret olaraq, bu məsələdə erməni izi görsənirmi?

- Əlbəttə onun Universitetdən uzaqlaşdırılması birbaşa ermənilərin və ermənipərəsət, erməniqanlı gürcülərin işidir. Biz etiraf etməliyik ki, dünyanın digər ölkələrində olduğu kimi Gürcüstanda da Azərbaycan təşkilatları, onların həmin dövlətlərin siyasətlərinə təsir imkanları yox dərəcəsindədir. Əgər bu gün Gürcüstanın rəsmi şəxsləri formal olaraq Borçalıda azərbaycanlılarla bağlı hansısa addımlar atırlarsa bu yalnız qonşuluqda mövcud olan Azərbaycan dövlətinin imkanlarından yararlanmaq üçündür. Gürcülər bizi və bizim oradakı təşkilatları kobud şəkildə desək heç saymırlar da. Amma ermənilərə gəldikdə isə çox güclü təşkilatlanma prosesi (sürəci) içərisində olan ermənilərə nəinki Gürcüstanın ictimai-siyasi həyatında tez-tez rast gəlmək mümkündür, hətta adını və soyadını dəyişmiş, bu ölkənin yüksək qurumlarında təmsil olunan ermənilərlə, onlarla qohumluğu olan gürcülərlə üzləşmək adi haldır. Obrazlı şəkildə belə qiymətləndirmək olar: biz gürcülərin, gürcülər də ermənilərin sisteminə müdaxilə edə bilmir. Mənim bu fikirlərimdən inciyənlər ola bilər, amma bu həqiqətdir. Quram Marixuliyanın başına gələnlər bunun bariz sübutudur. Əksini sübut etmək istəyənlər onun tutduğu vəzifəyə təyin olunmasını reallaşdırsınlar. Özünüreklam, sistemsiz, pərakəndə çalışmalarla nəyəsə nail ola bilmərik.

- Maraqlıdır bu gün Gürcüstan özü də etnik separtçılıqdan (bölücülükdən) əziyyət çəkən dövlətdir. Nəzərə almaq lazımdır ki, Quram Marxuliyanın gördüyü işlər separtçılığa qarşıdır...

- Çox doğru qeyd etdiniz. Amma bu amil Quram bəyin işdən azad olunmasının qarşısını almadı. Mən bir neçə dəfə Gürcüstanda olmuşam və inanın ki, oradakı gürcülərin böyük əksəriyyəti, ümumiyyətlə gürcü ictimaiyyəti ermənilərin onlara qarşı törətdikləri soyqırımlarla bağlı çox az məlumatlıdır. Bayaq da qeyd etdiyim kimi ermənilərin güclü təşkilatlanması, şəbəkə halında fəaliyyət göstərməsi bizlərin bu həqiqətləri gürcü ictimaiyyətinə duyurmağa və real nəticələrə nail olmağımıza mane olur. Əslində biz konfrans təşkil etməklə həm də bunu hədəfləyirdik və istəyimizə müəyyən qədər nail ola bildik. Ermənilərin XX əsrin əvvəllərində və sonlarında gürcülərə qarşı həyata keçiridkləri soyqırımları çatdıra bilsək bu faktın üzərində çox ciddi işlər görə bilərik.

- Bu məsələdə Azərbaycan professora hansı köməkliyini göstərə bilər?

- Ən böyük köməklik professorun işə bərpa olunması ola bilər. Bu həm də Azərbaycanla əlaqələr qurmaq istəyən, ermənilərə qarşı fəaliyyət göstərmək istəyən digər gürcü ziyalılarını, rəsmilərini ruhlandıra bilər. Hazırda Quram Marixulyanın başına gələnlər digər gürcüləri bu niyyətdən çəkindirir. Əgər bunu həyata keçirmək mümkün olmasa o zaman Quram Marixulyanın iş, maliyyə və s. məsələlər baxımından himayəyə götürülməsi şərtdir. Bilirsiniz burada söhbət təkcə Quram bəydən getmir, bu həm də bizim gücümüzü və təşkilatlanma imkanlarımızı sübut edə bilər.

- Bildiyim qədərilə aprel ayında bu mövzuyla bağlı daha bir beynəlxalq konfrans keçirməyi planlaşdırırsınız. Bu barədə məlumat verərdiniz.

- Aprel ayının sonlarında Qafqazda sülh və təhlükəsizlik problemlərinin müzakirəsinə həsr olunmuş, daha dəqiq desək ermənilərin separatçılığını və vəhşiliklərini ifşa etməyi hədəfləyən bir tədbir keçirməyi planlaşdırırıq. Bu dəfəki tədbirimizdə yalnız Gürcüstandan deyil, eyni zamanda Rusiya və Türkiyədən də nümayəndələrin iştirakına çalışırıq. Bu istiqamətdə hələlik hazırlıqlar getdiyinə görə bundan artıq məlumat verə bilməyəcəyəm. Amma əsas bir faktı (dəlil) qeyd edim ki, Quram Marixulyanın başına gələnlər digər gürcü alimlərinə bir növ “dərs olub”. Biz bunu hazırlıqlarımız zamanı hiss edirik. Düşünürəm ki daha ciddi çalışmalarla real nəticələrə nail olmaq lazımdır.

Söhbətləşdi: Elnur Eltürk

N.S