GünAz TV: Amerikanın Beynəlxalq Dini Azadlıqlar Komissiyası  Dünyada dini azadlıqlar barədə cari il üçün hazırladığı hesabatında, İranı  bu azadlıqları ən çox pozan ölkələrin siyahısna salıb.

Hesabatın İrana ayrılmış hissəsində yazılır ki, bu ölkədə insanlar hələ də təkcə dini etiqadlarına görə uzun müddət həbsdə saxlanır, işkəncələrə  məruz qalır, bəzi hallarda isə edam olunurlar.

GünAz TV mətbuat mərkəzinin “VOA”-ya istinadən yaydığı məlumata görə, Hesabatda qeyd edlir ki, teokratik konstitusyon sistemlə idarə olunan İran cümhuriyyətində insanlar mənsubu olduqları  din və inamlarına görə  ayrı seçkiliyə məruz qalırlar ki, keçən bir il ərzində  dini azadlıqların vəziyyəti daha da pisləşib. Disidentlər (müxaliflər) və insan hüquqları müdafiəçilərinə qarşı pis rəfdar həmin müddət ərzində daha da artıb, onlardan  bəziləri saxlanıb və  bir neçəsi “ İslam Nizamına  Qarşı Mübarizə Aparmaq” (Allaha qarşı mübarizə) ittihamı ilə edam edilib. Həmin il ərzində, azlıqda olan sünnü müsəlmanlar, sufilər, Bəhailər, xristianlar (məsihi), yəhudilər, ateşpərəstlər, asurilərə qarşı hədə-qorxu, ayrı seçkilik, həbs hadisələri artıb.

Bu arada dini azlıqlar kimi İranda jurnalistlərin vəziyyəti də keçən il daha da pisləşib. Jurnalistləri Müdafiyə Komitəsinin hazırladığı hesabatda həbsdəki jurnalistlərin vəziyyəti barədə geniş məlumat verilib.

İran Yaşıl hərəkatının liderlərindən, Mehdi Kərrubiyə yaxın olan “Səham News” vebsaytı, Beynəlxalq Jurnalistləri Müdafiyə Komitəsinə istinad edərək elan etdi, 2011-ci ildə dünyada qazetçilərinin ən pis zindanı İran imiş. Bu mövzu həmin komitənin Fevral (February) ayında yaydığı illik hesabatında qeyd olunmuşdu.  Beynəlxalq Jurnalistləri Müdafiyə Komitəsi müstəqil və dövlətə bağlı olmayan bir təşkilatdır və ABŞın (Amerika Birləşmiş Ştatları) New York şəhərində qərargahlanıb.

Səham News, Əl-ərəbiyyə kanalına istinad edərək əlavə edir ki, İranın  münaqişəli  perezidentlik seçgilərindən   iki il keçsə də təhlükəsizlik qüvvələri xalqın etiraz səsini yatırdmaq üçün journalistləri həbsə  davam edirlər.

Təşkilatın hesabatında deyilir ki,  2011-ci ilin Sentyabr (September) ayınadək, İranda 42 qazetçi qalabalıq  və təmiz olmayan zindanlarda saxlanıblar. Həmin  hesabatda əlavə edilir ki, həbs olan qazetçilərin 21-i təkadamlıq kameralarda saxlanıb  və 18-i İrandan qaçmaq məcburiyyətində qalıblar. Habelə onların bir tedadına 6 ildən 19 ilədək həbs cəzası verilib.

Hesabatda  deyilir ki, jurnalistlərin təkadamlıq hücrərdə  saxlanılmalarının  əsl səbəbi, onlardan yalan etiraf almaq olub. Sənəddə deyilir ki, 2 jurnalist xəstədir və 14-dü cismi işkəncəyə məruz qalıb. 5 məhbus qazətçi ailələrilə görüşməkdən məhrum olublar və əmniyyət rəsmiləri 4 qazetəçiyə izin vermirlər  ki, xəstəlikləri üçün lazım olan dava dərmanı alsınlar.

Xatırlanır, Səyid Mətinpur, azərbaycanlı siyasi və mədəni fəal və eyni halda yazar və qazetəçi dir ki 4 il ərzində İranda məhbus olanlara tanınan haqlardan məhrumdur və ürək xəstəliyilə ömür sürür amma İranın əmniyyət rəsmiləri ona zindandan kənarda müalicə olunmağa  izin vermirlər. Bu o haldadır ki, zindanın həkimləri onun  müalicəsinin xəstəxanalarda mümkün olmasını elan ediblər. N.S