Nəsib Nəsibli: “İran-Azərbaycan gərginliyi ömürlükdür”

SON XƏBƏRLƏR

Nəsib Nəsibli: “İran-Azərbaycan gərginliyi ömürlükdür”

2021.10.20, 07:36

Gunaz.tv

GünAz TV: Azərbaycanın İrandakı keçmiş səfiri professor Nəsib Nəsibli bildirib ki, “Ətrafında halqa daralmasaydı belə, Tehran Bakıya qarşı başqa bəhanə tapacaqdı”.

“Azərbaycanla İran münasibətlərindəki problemlər fundamental (nonyadi, əsasi) problemlərdir və bu, iki ölkənin ömrünün sonuna qədər davam edəcək. Yəni bu münasibətlər işlərdən, planlardan asılı deyil”.

Bunu Azərbaycanın İrandakı sabiq səfiri Nəsib Nəsibli, martın (March) 17-də Tehrandakı hazırkı səfirimiz Cavanşir Axundovun İran XİN-ə (xarici işlər nazirliyi) çağırılaraq izahat tələb edilməsinə münasibət bildirərkən deyib. Xatırladaq ki, C. Axundov İran XİN-ə dəvət edilib və ona Azərbaycan hüquq-mühafizə orqanlarının son ayda keçirdiyi əməliyyatlarla bağlı etiraz bildirilib və həmçinin bununla bağlı izahat tələb edilib.

N. Nəsiblinin fikrincə, İran hər zaman bəhanə axtarır: “İran hakimiyyəti əsəbidir və aqressiyasını (təhacüm, saldırqanlıq) Azərbaycana istiqamətləndirir. Çünki son aylar bu ölkə tamamilə təklənir. Bu səbəbdən də Tehran zəif hesab etdiyi qonşularına münasibətdə sərt davranır. Bu siyasət iki ölkə arasında hələ uzun müddət davam edəcək. Doğrudur, indi münasibətlərdə kəskinləşmə daha çox İranın beynəlxalq aləmdən izolyasiya edilməsi ilə birbaşa bağlıdır. Ancaq bu problemlər olmasa belə, sabah Tehran başqa bir bəhanə tapacaq”.

Müsahibimiz son bir ayda Azərbaycanın Tehrandakı səfirinin dəfələrlə XİN-ə dəvət edilib izahat istənilməsinə qarşılığında, İranın Bakıdakı səfirinin bir dəfə də, olsun Azərbaycan XİN-ə çağırılıb xəbərdarlıq edilməməsini isə belə izah edib: “Müxtəlif ölkələrin fərqli xarici siyasət manevrləri var. Bəzi ölkələr aqressiyaya, radikal addımlara üstünlük verir, bəzi ölkələr isə nisbətən liberal davranışa. İran xarici siyasətində daima kəskinləşməyə üstünlük verən ölkələrdəndir”. Bizim Yol

N.S

GUNAZ.TV

SON XƏBƏRLƏR