Ermənilər Azərbaycanın Livandakı səfirliyinə hücum edib

SON XƏBƏRLƏR

Ermənilər Azərbaycanın Livandakı səfirliyinə hücum edib

2023.08.31, 10:13

Azərbaycanın Livan Respublikasındakı səfirliyinə hücum olub. Səfirliyin qarşısında aksiya keçirən 50-yə yaxın erməni əsilli şəxs inzibati binanın hasarına zərbələr endiriblər. Onlar özləri ilə gətirdikləri, içərisində boya olan və partlayıcı bərkidilmiş şüşələri səfirliyin inzibati binasına atıblar. Bu barədə Xarici İşlər Nazirliyindən bildirilib.

Gunaz.tv

Qeyd edilib ki, hücum nəticəsində səfirliyin heyəti xəsarət almayıb.

Hadisə barədə diplomatik nümayəndəliklərin mühafizəsinə cavabdeh olan quruma məlumat verilib. Hüquq-mühafizə orqanları hadisə yerinə gəlsələr də, həmin vaxt təxribatçılar ərazidən uzaqlaşmağa müvəffəq olublar.

Hadisəni törədən cinayətkarların aşkarlanması və həbs edilməsi məqsədilə Livanın Xarici İşlər Nazirliyinə müvafiq nota təqdim edilib və aidiyyəti üzrə tədbirlər həyata keçirilir.

Hazırda səfirliyin mühafizəsi daha da gücləndirilib və törədilmiş cinayətlə bağlı araşdırma aparılır.

GUNAZ.TV

SON XƏBƏRLƏR