İtaliyanın Xarici İşlər naziri Əhməd əl-Şara ilə görüşüb

SON XƏBƏRLƏR

İtaliyanın Xarici İşlər naziri Əhməd əl-Şara ilə görüşüb

2025.01.11, 12:36

Bu, İtaliya Xarici İşlər nazirinin Bəşər Əsədin devrilməsindən sonra Suriyaya ilk səfəri idi.

Gunaz.tv

İtaliyanın xarici işlər naziri Antonio Tajani cümə günü Suriyanın paytaxtı Dəməşqə səfəri zamanı Təhrir əl-Şam lideri Əhməd əl-Şara və xarici işlər naziri Əsəd Həsən Şeybani ilə görüşüb.

"İtaliya Suriyada islahat prosesinin təşviqi üçün üzərinə düşəni etməyə hazırdır. Bizim burada səfirliyimiz var və biz suriyalılarla yaxın olmaq və onlara hər sahədə dəstək olmaq niyyətindəyik", - deyə İtaliya naziri Tajani bildirib.

"Biz Suriyadakı yeni administrasiya ilə Avropa İttifaqı arasında körpü olmaq istəyirik", - Tajani əlavə edib.

Suriya və İtaliya arasında enerji, infrastruktur və səhiyyə kimi sektorlarda əməkdaşlıq perspektivlərini müzakirə edilib. Tajani vurğulayıb ki, iki ölkənin universitetləri arasında mədəni əməkdaşlıq yaradıla bilər.

İkitərəfli görüşdə müzakirə edilən mövzulardan biri də narkotikə qarşı mübarizə idi. Tajani əlavə etdi: “biz həmçinin narkotik alveri ilə məşğul olan insan alverçilərinə qarşı mübarizəyə də diqqət yetirmişik”

Suriyanın xarici işlər naziri Əsəd Həsən Şeybani açıqlamasında bildirdi ki, Suriyaya qarşı tətbiq edilən sanksiyalar ölkənin sağalmasına mane olur. Həsən Şeybani İtaliya Xarici İşlər Nazirinin Suriyaya qarşı sanksiyaların ləğvi çağırışını alqışladı.

Ş.E

A #Damasco ho incontrato il nuovo leader politico siriano, Ahmed al Sharaa. Da oggi diamo vita ad un nuovo corso di relazioni politiche, diplomatiche e di amicizia tra Italia e #Siria. Pronti a sostenere la ripartenza economica e sociale di un Paese mediterraneo ricco di storia e… pic.twitter.com/kCNKYiri2x
— Antonio Tajani (@Antonio_Tajani) January 10, 2025

GUNAZ.TV

SON XƏBƏRLƏR