Ukrayna Rusiya şəhərlərinə kütləvi dron hücumları həyata keçirib

SON XƏBƏRLƏR

Ukrayna Rusiya şəhərlərinə kütləvi dron hücumları həyata keçirib

2025.01.11, 12:58

GünazTV Azpolitika.info-ya istinadən xəbər verir ki, yanvarın 11-nə keçən gecə pilotsuz təyyarələr Tambov vilayətinin Kotovsk şəhərində iki yaşayış binasına düşüb. Bu barədə yerli sakinlər və hakimiyyət orqanları məlumat verib.

Gunaz.tv

"Bir neçə nəfər şüşə qırıqları nəticəsində xəsarət alıb, onlara yardım göstərilib. Yanğın yoxdur, binalara cüzi ziyan dəyib", - deyə rayon rəhbəri Yevgeni Pervışov yazıb.

O əlavə edib ki, qəzalı mənzillərin sakinləri müvəqqəti yaşayış mərkəzində yerləşdirilə bilərlər.

İlhaq edilmiş Krım, Krasnodar diyarı, Kursk və Voronej vilayətlərindən də pilotsuz təyyarələrin hücumu barədə məlumatlar var - orada partlayış səsləri eşidilib. Şahidlər Novorossiysk limanında yanğının baş verdiyini, Anapada isə fasilələrlə siren səsləndiyini bildirirlər. Krım körpüsü üç saatdan çox bağlanıb.

Vilayətin qubernatoru Aleksandr Qusev gecə saatlarında Voronej vilayəti üzərində 15-dən çox pilotsuz təyyarənin vurulduğunu bildirib. Onun məlumatına görə, tələfat və dağıntı yoxdur.

Belqorod vilayətinin qubernatoru Vyaçeslav Qladkov da məhv edilmiş bir neçə pilotsuz təyyarə haqqında yazıb – itki yoxdur, üç fərdi evə ziyan dəyib. Hücuma məruz qalan digər rayonların rəhbərləri hələlik heç bir məlumat verməyiblər.

Şənbə günü səhər tezdən Kazan, Nijnekamsk və Ulyanovsk hava limanlarında əməliyyatlar bir müddətlik dayandırılıb. Kazana uçan təyyarələr Ufadakı alternativ aerodromda yerə enib.

Rusiya Müdafiə Nazirliyi bir gecədə 85 Ukrayna pilotsuz təyyarəsinin vurulduğunu bildirib. 16-sı Voronej vilayəti və Krasnodar diyarı, dördü Belqorod vilayəti, ikisi Tambov vilayəti, biri isə Kursk vilayəti üzərində məhv edilib. Daha 45-i Qara və Azov dənizləri üzərində vurulub.

Ukrayna Silahlı Qüvvələrinin Baş Qərargahı Rusiya regionlarına pilotsuz təyyarələrin hər hansı hücumu barədə məlumat verməyib.

Ş.E

GUNAZ.TV

SON XƏBƏRLƏR