Homsda Əsəd rejiminin bombaladığı məhəllələr görüntüləndi

SON XƏBƏRLƏR

Homsda Əsəd rejiminin bombaladığı məhəllələr görüntüləndi

2025.01.13, 16:22

Paytaxt Dəməşqin strateji qapısı olan Homs vətəndaş müharibəsində ən çox bombardman edilən məhəllələrdən biri idi.

Gunaz.tv

GünazTV Türkiyənin Anadolu Ajansına istinadən xəbər verir ki, Homsda bir çox məntəqə 2011-ci ilin martında başlayan rejim əleyhinə nümayişlərin ünvanına çevrildi. Rejim qüvvələri bu nümayişləri yatırmaq üçün hər cür üsula əl atıb.

13%20Ocak%202025%2F20250113_2_67231589_108514559.jpg

Vətəndaş müharibəsinin ilk illərində şəhərin mərkəzində bir çox məhəllələr bombalanıb, infrastruktur tamamilə məhv edilib. Bununla da köçkün düşmüş yerli əhalinin geri qayıtmasının qarşısı alınıb.

13%20Ocak%202025%2F20250113_2_67231589_108514549.jpg

Anadolu Agentliyinin müxbirləri devrilmiş rejim qüvvələrinin ən çox hücumuna məruz qalan iki məhəllə olan Halidiyye və Curat əl-Şeyyada dağıntıların görüntülərini çəkib.
Dron görüntüləri hər iki məhəllədəki yaşayış evlərinin yarıdan çoxunun zədələndiyini, evlərin əksəriyyətinin yaşayış üçün yararsız olduğunu və bir çoxunun yenidən tikilməsinə ehtiyac olduğunu göstərib.

13%20Ocak%202025%2F20250113_2_67231589_108514553.jpg

Görüntülərdə Suriyanın bir çox yerində olduğu kimi ruh şəhərlərinə bənzəyən məhəllələrdə də məscid və məktəblərin istifadəyə yararsız olduğu görünür. Halidiyyə məhəlləsinin 40 yaşlı sakini Mazen Masri, Baas rejiminin süqutundan sonra əvvəllər fəaliyyət göstərdiyi dükanı təmir etdirib və yenidən açıb. Masri Anadolu Anadolu Agentliyinin müxbirlərinə verdiyi müsahibədə bildirib: "Əvvəllər bu küçədə iş yerləri açıq idi. 2011-ci ildə böhran başlayanda çoxlu insan məcburi köçkün vəziyyətinə düşmüşdü. İndi insanlar geri qayıtmaq və dolanışığını təmin etmək üçün bizneslərini təmir etməyə başlayıblar".

13%20Ocak%202025%2F20250113_2_67231589_108514554.jpg

Rejim qüvvələrinin hava hücumlarına görə dükanın təxminən 14 ildir bağlı qaldığını qeyd edən Masri, "Şükür Allaha ki, indi təhlükəsizlik yaradılıb və bizə rahatlıq yaradılıb. Əvvəllər icazə verməzdilər. İndi heç kim qarışmır” ifadələrdən istifadə etdi. Bölgədəki infrastrukturun qeyri-kafi olmasından şikayətlənən Masri elektrik, su və əsas xidmətlərin bərpasını gözlədiklərini bildirib.

Ş.E

GUNAZ.TV

SON XƏBƏRLƏR