Contact Us

SON XƏBƏRLƏR

Rusiya neftini daşıyan 65 tanker okeanlarda qalıb

2025.01.14, 16:20
Rusiya neftini daşıyan 65 tanker okeanlarda qalıb

Yanvarın 10-da ABŞ-ın yeni bloklama sanksiyalarını elan etməsindən sonra Rusiya neftini daşıyan ən azı 65 tanker Çin, Sinqapur və Rusiya sahillərinə doğru sürüklənir.

Gunaz.tv

GünazTV Azpolitika.info-ya istinadən xəbər verir ki, bu barədə “Reuters” agentliyi xəbər yayıb.

Agentlik yazır ki, beş tanker Çin sahillərində, daha yeddisi Sinqapurda, digərləri isə Baltik dənizi və Uzaq Şərqdə “ilişib”. Bu saya həmçinin İran limanları və Süveyş kanalı yaxınlığında müxtəlif yerlərdə dayanmış 25 neft tankeri də daxildir.

Dünən məlum olub ki, iki milyon bareldən çox Rusiya nefti daşıyan daha üç tanker Çin sahillərinin şərqindəki sularında dayanıb.

“Bloomberg” agnetliyi xəbər verir ki, bu, Şandunq əyalətindəki limanları idarə edən şirkətin sanksiya tətbiq edilmiş tankerlərə girişini qadağan etməsindən sonra baş verib.

Agentliyin məlumatına görə, Rusiya neftinin digər əsas alıcısı Hindistan da ABŞ sanksiyalarına məruz qalmış tankerləri boşaltmaqdan imtina edəcək. Yanvarın 10-dan əvvəl icarəyə götürülmüş gəmilər üçün, martın 12-dən əvvəl boşaldılması şərti ilə icazə verilə bilər. Bundan əlavə, Hindistan bankları sanksiyaya məruz qalmış tədarükçülərdən neft alınmamasını təmin etmək üçün onun mənşə sertifikatlarını tələb edəcəklər.

Yanvarın 10-da ABŞ Rusiyanın iki ən böyük neft ixracatçısı olan "Qazprom Neft" və "Surqutnefteqaz"a qarşı bloklayıcı sanksiyalar tətbiq edib. Onlarla digər şirkətlərlə birlikdə dollar və ya Amerika maliyyə sistemindən istifadə edərək maliyyə əməliyyatları aparmaq qadağandır. Rusiyanın ən böyük gəmiçilik şirkəti “Sovcomflot”-a qarşı da sanksiyalar növbəti dəfə uzadılıb. Məhdudiyyətlər Qərbin sanksiyalarını pozaraq Rusiya neftini və neft məhsullarını daşıdığı iddia edilən müxtəlif ölkələrin bayraqları altında 183 tankerə şamil edilib”.

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar