İsrail-HƏMAS razılaşması çərçivəsində girovlar azad edilir

SON XƏBƏRLƏR

İsrail-HƏMAS razılaşması çərçivəsində girovlar azad edilir

2025.01.20, 13:01

Atəşkəs və əsir mübadiləsi razılaşması çərçivəsində 90 fələstinli və 3 israilli girovlar azad edilib.

Gunaz.tv

Fələstinlilər HƏMAS və İsrail arasında atəşkəs razılaşması çərçivəsində İsrailin Ofer Hərbi Həbsxanasından azad edilmiş 90 fələstinli qadın və uşağı qarşılamaq üçün İordan çayının qərb sahilinin Ramallah əyalətinin Beytuniya qəsəbəsində toplaşıblar. Beynəlxalq Qırmızı Xaç Komitəsinin (BQXK) himayəsi altında fələstinli məhbusları daşıyan avtobus Ofer Hərbi Həbsxanasından yola düşdü.

Avtobus Beytuniya şəhərindən yola düşüb və fələstinli məhbusların təhvil veriləcəyi Ramallahdakı Manara meydanına doğru hərəkət edib.

Fələstinli Məhbuslar Media Ofisindən verilən yazılı açıqlamada Oferdən azad edilən məhbusların adlarının araşdırılması zamanı bir qadın məhbusun azad edilənlər arasında olmadığı aşkarlanıb. Texniki qruplar Qırmızı Xaç təşkilatı ilə dərhal əlaqə saxladığı bildirilib. İsrailin "Kanal 12" televiziyası problemin sonradan həll olunduğunu və məhbusların yola düşdüyünü bildirib.

Bildirilib ki, razılaşma əsasında azad edilən 90 fələstinli məhbusdan 69-u qadın, 20-si uşaqdır.

İsrail mediası Ofer Hərbi Həbsxanasından azad edilən fələstinlilərdən 78-nin İordan çayının qərb sahilindən, 12-nin isə Şərqi Qüdsdən olduğunu bildirib.

HƏMAS qruplaşmasının hərbi qanadı İzzəddin əl-Qəssam Briqadaları atəşkəs və əsir mübadiləsi razılaşmasının birinci mərhələsi çərçivəsində dünən axşam saatlarında üç israilli əsir qadını Qırmızı Xaç komandasına təhvil verib.

İsrail ordusundan verilən yazılı açıqlamada bildirilib ki, azad edilən israilli məhbuslar İsrail qüvvələrinin müşayiəti ilə sərhədi keçərək İsrail ərazisinə keçiblər. Açıqlamada qeyd edilib ki, azadlığa buraxılan məhbuslar ilkin tibbi müayinədən keçəcəkləri İsrailin cənubundakı ilk qəbul məntəqəsinə yollanıblar. Qeyd edək ki, üç fazalı atəşkəs razılaşmasının ilk 42 günündə 33 israilli məhbus azad ediləcək.

Ş.E

GUNAZ.TV

SON XƏBƏRLƏR