İraqın quzeyində 26 PKK terrorçusu zərəsizləşdirilib

SON XƏBƏRLƏR

İraqın quzeyində 26 PKK terrorçusu zərəsizləşdirilib

2025.03.06, 15:03

Türkiyə silahlı qüvvələri son bir həftə ərzində İraqın quzeyində 26 PKK yaraqlısını zərərsizləşdirib.

Gunaz.tv

Türkiyə Müdafiə Nazirliyinin sözçüsü, Zeki Aktürk həftəlik mətbuat brifinqində Türkiyə Silahlı Qüvvələrinin ölkənin təhlükəsizliyi üçün bölgədə əməliyyatlarını və axtarış-araşdırma fəaliyyətlərini davam etdirəcəyini deyib.

Zeki Aktürk, bir nəfər də terrorçu qalmayana qədər terrorla mübarizənin qətiyyətlə davam etdiriləcəyini sözlərinə əlavə edib.

Qeyd edək ki, terror qruplaşmasının həbsdə olan başçısı Öcalan keçən həftə təşkilatın silahlarını yerə qoymağa və dağılmağa çağırıb.

Buna baxmayaraq, Suriyada yerləşən YGP/PYD qruplaşması bu çağırışın onlara aid olmadığını bildirib.

Müdafiə Nazirliyindən adının çəkilməsini istəməyən mənbə jurnalistlərə açıqlamasında bildirib ki, “Çağırışda olduğu kimi, PKK və ona bağlı bütün qruplar terror fəaliyyətlərinə son qoymalı, özlərini buraxmalı və dərhal, qeyd-şərtsiz silahlarını yerə qoymalıdırlar.

Mənbə əlavə edib ki, Öcalanın mesajında atəşkəs çağırışı yer almayıb və PKK-nın atəşkəs elan etməsi çaşqınlıq yaratmaq məqsədi daşıyır.

Prezident Rəcəb Tayyib Ərdoğan şənbə günü Türkiyənin PKK-nın tərksilah prosesini dayandıracağı və ya verdiyi vədlərin yerinə yetirməyəcəyi təqdirdə ona qarşı əməliyyatları davam etdirəcəyini bildirib.

- Cəfər Cəfərli

GUNAZ.TV

SON XƏBƏRLƏR