Contact Us

SON XƏBƏRLƏR

Zelenskinin geyimlərini hazırlayan azərbaycanlı dizayner: Elvira Həsənova

2025.03.07, 12:29
Zelenskinin geyimlərini hazırlayan azərbaycanlı dizayner: Elvira Həsənova

Ukrayna Prezidenti Volodimir Zelenskinin dizayneri onun geyim tərzindən danışıb.

Gunaz.tv

GünazTV Teleqraf-a istinadən xəbər verir ki, Ukrayna liderinin geyim üslubu üzərində milliyətcə azərbaycanlı olan Elvira Həsənova çalışır.

ABŞ Prezidenti Donald Tramp ilə martın 1-də Ağ Evdə qalmaqallı görüşdə jurnalist Brayan Qlenin Zelenskiyə ünvanladığı "sizin kostyumunuz var?" sualından sonra Ukrayna liderinin geyimi müzakirələrə səbəb olub. "Financial Times" dizaynerin Zelenskinin geyimi ilə bağlı açıqlamasını dərc edib.

Azərbaycanlı dizayner bildirib: "Onun geyiminin mahiyyəti sadəcə zahiri görkəm üçün deyil. Bu, Zelenskinin dünyaya mesajının bir hissəsidir və mahiyyəti onun xalqının yanında olduğunun isbatıdır… İndi kostyum vaxtı deyil. Əsgərlərimiz döyüşdüyü, insanlarımızın sığınacaqda olduğu bir zamanda kostyum geyinə bilmərik. Bu, seçim dəbdən daha çox şey ifadə edir. Bu tərz Ukrayna liderinin bir növ ünsiyyət vasitəsidir”.

E.Həsənova Ukrayna Prezidentinin qeyri-rəsmi geyim üslubunu müdafiə edib və bildirib ki, ukraynalı siyasətçinin “məşhur” poloları dünyaya mesajın bir hissəsidir.

Qeyd edək ki, Ukraynada azərbaycanlı ailənin yaratdığı “Damirli” geyim şirkətinin məhsullarından ABŞ-nin məşhur şəxsləri də yararlanır. Brendin yaradıcısı olan Elvira Həsənovanın dizayn geyimlərindən Prezident Zelenskidən başqa, Böyük Britaniyanın sabiq Baş naziri Boris Conson və digər məşhurlar da istifadə edib.

V.Zelenski müstəqilliyin elan edilməsinin 32-ci ildönümü münasibətilə xalqa müraciəti zamanı “Damirli” şirkətinin dizaynı olan xaki naxışlı köynək geyinib.

 

 

Ş.E

 

_2025-03-07_112822.png

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar